東京, 靜岡賞櫻自駕遊

 

日本自駕遊之東京, 靜岡賞櫻遊

 疫情過後, 適逢櫻花季節, 用一張已買了三年的平機票去東京, 靜岡走一趟.

晚上到達東京, 第一站上野公園夜櫻.

第二天. 櫻花第二站,  目黑川. 

櫻花第三站. 井之頭公園.

 午餐在銀座ORCA食鉄板焼.

 第三天. 櫻花第四站. 千鳥ヶ淵.

午餐在赤阪梅丘美登利食壽司. 燒鯛魚頭只賣￥600, 抵食.

櫻花第五站. 隅田公園. 

晚上在俺の割烹. 這餐廳是我們在東京之首選, 如果不計較座位比較窄, 食物是很好和抵食, 和牛壽喜燒￥1389, 即港幣60元. 穴子白燒都唔使￥2000.

 

第四天 自駕遊, 開車去山梨, 是櫻花第六站. 笛吹川水果公園.

 

住石和溫泉.

第五天 開車去靜岡濱松市,  晚上在一間小舖緣, 食牛肉火鍋Shabushabu, 非常好, 值得推薦.

第六天. 櫻花第七站. 浜松城.

中午在名店 志ぶき 食鰻魚飯

櫻花第八站. 滨名湖花公園.

第七天.  靜岡東照宮, 日本平. 要走千多級樓梯.

 中午在清水港, 食超大碗中卜口寿司飯. ￥2480. 連魚骨湯都唔使百二文.

晚上去櫻花第九站. 駿府城公園櫻花祭. 其實是公園內的美食市集, 給年輕人掃街.

晚上在五堪居酒屋, 金目鯛￥1408, 手羽先唐揚￥825.

第八天.  睇櫻花當然是早上好, 再次到駿府城公園

中午去另一間魚市場, 沼津港. 食浜燒.

第九天.  御殿場Outlet. 這個Outlet很大, 停車場都有很多個, 是香港人和旅行團必去, 老實說, 可以買的東西不多, 人到我到, 剛好是星期日, 塞車利害, 原本三十分鐘車程, 要一個半小時才到, 中午在Eggs 'n Things食Pancake.

晚上住在仙石原王子大飯店. 第十天早上在Hakone Country Club打球.

中午參觀Rene Lalique Museum, 飲咖啡和食個包.

晚上去八王子市, 還車, 住Keio Plaza. 最後兩天, 在東京, 吉祥寺, 食, 食, 食, 結束這櫻花之旅.

2023年3月

金澤, 能登半島, 紅葉見頃自駕遊

十七年前坐火車去過金澤幾個小時, 今次自駕遊, 再來金澤, 睇紅葉，又可以去埋石川縣的能登半島和加賀溫泉區.

由名古屋中部機場出發, 先在常滑的寿司郎食午餐, 然後去名古屋北部的Mozo Wonder City 行吓,

再去岐阜小牧市, 住AB酒店.

晚上去釣船茶屋食, 賣點是現場釣魚, 釣上來的鯛魚可以一半刺身, 一半鹽燒, 魚頭魚骨還可雜炊(煑粥), 一魚三食, 有得玩, 有得食, 又唔貴.

宵夜喺酒店旁的藤一番食碗面, 這店開到零晨五時, 隨時都有得食.

第二天 是參觀日本五大國寶城之一犬山城, 雖然天守閣外圍維修, 仍容許遊客登閣, 此城不大, 一個小時便可遊完.

下一站是去郡上食鰻魚飯, 這家美濃錦是鰻魚百選之一, 亦是米芝蓮推介,

鰻重￥3200, 果然名不虛傳, 即叫即燒, 美味, 下次再到郡上, 都會幫襯.

跟着開始紅葉之旅, 第一景點, 郡上八幡城, 剛巧可以直上山上的駐車場, 省回很多脚骨力, 時間亦剛好, 紅葉真是好靚,

下一站是去高山, 這是去能登半島的一個中途站;

其實食飛驒牛是主要目的, 丸明燒肉已是遊客必到, 四年前去過, 當時都有一半是日本人, 現在百分之九十是遊客, 香港人亦佔多.

這晚住Spa Hotel Alpina, 以前都住過, 當時正值日本長假期, 要￥20,000, 今次唔使￥10,000.

第三天 早上去宮川朝市食飛驒牛包, 飛驒牛串作早餐.

然後開車去能登食祭市場, 車程兩個多小時, 以為可以趕及十二時半的遊覽船, 餵海鷗, 人算不如天算, 當天浪急, 不能開船.

冇得坐船, 唯有買啲海鮮去濱燒, 自己揀海鮮, 只是用餐廳的BBQ設備, 收費是每人￥530, 當然好過用店內的套餐.

下一站是和倉溫泉區, 先去西餅名店Le Musee de H飲杯咖啡, 食件餅, 咖啡是Bottomless, 可以無限添飲, 👍.

下一個景點是浸溫泉? 對.  和倉總湯是知名的公眾溫泉, 除了大浴場, 還有露天風呂, 設備比較新, 收費￥440, 好過傳統古式的道後溫泉.

跟着是去加賀屋的姊妹店虹と海, 一泊二食, 食能登牛肉火鍋, 有証書証明牛肉是正貨.

第四天 去能登半島的北邊旅遊, 先去白米千枚田, 是水稻的梯田,  這個時間已收割, 只餘下一些草苗, 影張相, 

可以繼續下一景點, 輪島朝市, 又是名過其實, 怱怱睇下, 可以走人.

下一站是去金澤, 先去近江町市場, 食寿司, 這是遊客必到的食肆, 下午二時半還要等位, 蟹三味￥700, 蝦五味￥1600, 好新鮮, 抵食.

食完好嘢, 去今次旅程重點, 兼六園的紅葉, 雖唔算是見頃, 但都不錯.

這晚原計劃是去地道啲居酒屋食, 踫巧是星期五, 比較有名的居酒室都滿座, 唯有去金澤駅附近, 食碗面, 亂打亂撞, 這家吉宗都好好.

這晚住喺近江町市場旁邊的Forza酒店, 新開, 服務好, 包早餐, ￥11000, 市區內酒店, 價錢合理, 可以推介.

第五天 繼續紅葉之旅, 金澤城, 雖然時晴時雨, 紅葉見頃確是難得.

中午在山下屋食能登牛鐵板燒, 一間小舖, 只有兩枱客, 但服務奇差, 並不是日本一般水平😡.

下一件事是去近江町市場買加能蟹, 加能蟹是十一月初才解禁, 比較珍貴, 市場主要是賣活蟹, 店鋪基本上沒有煑蟹服務, 唯一可以是買已煑熟的蟹, 終於揀了￥3000兩隻, 然後開車去買啲刺身, 飯團, 再直去加賀, 在酒店房內食加能蟹, 魚生, 飲清酒作晚餐.

這晚住加賀的Arrowle酒店, 這家酒店並不在加賀的四大溫泉區, 較西式, 入住還有啤酒飲.

第六天 早上去加賀的山代溫泉古總湯, 旁邊有足湯浸吓脚.

下一景點是紅葉最後一站, 岐阜的養老の潼, 中午途經南条SA, 剛好是星期日中午, 好多日本人來此SA買嘢, 食嘢, 有飛驒牛串. 豚串, 炸雞, 炭燒雞.

抵達養老の潼已是下午三時, 要走上山路三十分鐘才可到達瀑布, 全程都是楓樹, 只有少部分轉了色, 一個星期後將會很靚.

睇唔到靚紅葉, 回岐阜市住一晚, 晚上在居酒屋萤食, 雞串, 雞鍋, 手羽先, 刺身, 廣島蠔, 食埋飛驒牛, 每樣都是即叫即做, 唔係行貨, 埋單唔使￥9000, 抵食, 有機會再來岐阜市, 都會幫襯.

最後一天, 食完早餐, 開車去常滑Aeon Mall,

中午在はま寿司食, 當時是海胆祭, 海胆寿司￥90, 非常平; 食完, 返機場, 結束金澤, 能登半島之旅.

結語:

1. 去過日本無數次, 紅葉都是擦身而過, 今次時間剛好, 岐阜的郡上八幡城, 石川的兼六園和金澤城都有非常靚的紅葉, 大滿足;

2. 遊完犬山城, 五個日本國寶城已去齊, 彥根城 (2011), 姬路城(2013), 松江城(2016),  松本城(2018);

3. 今次旅程最唔明是飛驒牛比四年前還便宜, 200G A5 牛扒以前賣￥4900, 現在只是￥4500, 唔怪得咁多人嚟食.

2019年11月