2017年3月24日 星期五

澳洲 塔斯曼尼亞, 大洋路自駕遊

這次旅程主要是澳洲兩大景區, 塔斯曼尼亞及大洋路




為了加快入境及通關, 在澳洲入境網站預先申請了eVisitor簽証, 飛機抵達墨爾本機場已可在自助站取得標籤, 再拿標籤去拍照便完成入境手續, 快捷方便

海關亦沒有如一些朋友所聲稱要排很長隊, 清關不用十分鐘, 算是幸運!

下一件事是最重要, 用AUD30買Boost電話卡, ㄧ個月無限通話和有3G Data.


轉乘下午三時Jetstar內陸機去Tasmania Hobart, Hobart機場Bargain租車租了一輛Nissan SUV, 開始塔州之旅, 不須二十分鐘便到入住的Best Western Hobart酒店.


Check in後已差不多六時, 在市區逛了一圈, 基本上所有商店都已關門, 靜英英; 唯有去食飯, 選擇食希臘菜 Urban Greek, 因為澳洲希臘移民比較多, 所以做得不錯.



第二天早上在Small-fry食早餐, 廚師好像藝術家, 每隻蛋, 每件煙肉都是有條理地精心慢慢做, 收費亦不貴,


下一站是去Bruny Island. 開車四十分鐘便到Bruny Island碼頭.


這次自駕遊選擇Bargain租車, 原因好簡單, Bruny Island石仔路較多, 大部分的名牌租車公司都沒有提供保險,  用SUV, 車身高, 好行啲.

乘船十五分鐘便到島上碼頭, 第一個景點是去Neck, 這是一條非常狹長的地峽連接兩島, 右邊是內海, 很平静, 左邊是太平洋, 有急浪, 做成很大反差, 算是天然靚景.


下一個景點是澳洲最南的燈塔Bruny Island Lighthouse, 這段路大部分都是石仔路, SUV發揮作用的時候, Neck開車要差不多一個小時, 因為要趕時間去搭Cruise, 只好放棄參加燈塔導嘗團.


要在二時前到達Adventure Bay, 到達接待處, 已沒時間食午餐, 只有怱怱買個鬆餅和咖啡醫肚, 開船前要穿它們提供的厚身雨衣, 可檔風和保暖.


這個Cruise要兩個半小時, 是沿着Bruny Island的海岸綫, 睇奇石, 岩洞, 最後睇海豹, 途中都經過一些浪大的地方, 都算抛得厲害, 有坐過山車感覺.




坐完遊艇, 再坐渡輪回Kettering, 已差不多六時, 開車十多分鐘去Peppermint Bay食生蠔和慢煑Lamb Shoulder, 菜單指羊肩是兩人份量, 實際上四個人都食唔完, 剩下一半要打包.



返回Hobart, Coles Supermarket買點澳洲生果回酒店, 結束這一天Bruny Island之旅.

第三天早上在Royal Hobart Golf打場高爾夫, 叫得做Royal, 當然是Hobart最好的, 收費AUD110, 即港幣660, 滘西洲價錢, Par 73, 全長6300, 都算難打.


下一站是去買鮑魚, 經過很多電視, 名人名㕑報導, Tas Live Abalone是港人塔州旅遊熱點, 每人都會破費, 終於使了過千元澳幣買了數公斤鮑魚.



跟着去Barilla Bay食生蠔做午餐, AUD79三十六隻生蠔, 一半Hot, 一半Cold, 好新鮮, 好食, 來到塔州, 唔食生蠔, 可算是未來過.


下一站是去參觀奪國際獎的Sullivans Cove威士忌廠, 參加導嘗團, 了解Whisky釀製過程和試酒, 最後當然買一瓶回港作留念.


睇完酒廠, 還要去Port Arthur, 抵達時已是下午五時半, 以為已經關門, 誰知錯有錯着, 可以用AUD20買黃昏票, 省回十多元, Port Arthur是英國監獄, 有歷史價值, 現成為世界遺產, 由於人為及天然破壞, 很多樓房都已倒下, 現在要化很多錢去重建和保育.



接待處指示了一個兩小時的行程, 我們個半鐘便逛完, 可以有時間去埋Tasman Arch.

拍完照已開始日落, 還要開個多小時車才回到Hobart, 回到市區已是九時半, 基本上所有餐廳都已打烊, 唯有在超市買杯面, 加埋昨天剩下的羊肩, 又是一餐, 以此完成繁忙的第三天.

第四天是星期六, Salamanca市場外有市集, 可以掃街, 食德國腸, Crepe作早餐, 然後回酒店Check out.



開車去Mt Wellinton山頂, 可以高角度看見整個Hobart, 這個地方旅行團必到, 等於香港老襯亭.


下一個節目是去Geeveston食寿司, 這家Massaki寿司每星期只開兩天, 網上評價很高, 所以要開個多小時車來食, 如果不訂位, 基本上冇得食, 而寿司亦不能選擇, AUD34套餐, 雖然是日本人師傅, 但已溶合了澳洲人的要求, 寿司份量超大, 不是日本常見的Size, 寿司水平只可說不過不失.


下一站是Boborong Wildlife Sanctuary, 可以看到自由走動的袋鼠, 又可以近距離與樹熊拍照, 更第一次見到Tasmania Devil袋貛.



睇完動物, 便要離開HobartLaunceston. 行車兩個小時便到我們訂的B&B Ashton Gate Hotel.

天還未黑, 可以去Cataract Gorge逛一逛, 如果不打算遠足, 這裏可觀性不算高.


係時候食晚飯, 選擇在塔州最佳中菜館美華食中餐, 蠔皇鮑魚(AUD80), XO醬炒帶子, 糖醋排骨, 都做得很好, 值得推介.



第五天由女屋主煮早餐, 檸檬果醬的檸檬是她後園自己種的, 都算特別.

Check out後開車去了市區的Woolworth買啲水果, 又買了羊架, 準備當晚BBQ, 跟着去Marakoopa Cave, , 剛趕到十二時的導嘗團, 可以見到澳洲特有的Glow Worm螢火蟲.


睇完鐘乳石, 下一站是去Sheffield Town, Sheffield最有名是它的油畫屋, 差不多每間屋的外牆都有獨特的作品, 食過快餐, 拍過照, 又要趕路去下一個景點, 採士多啤梨.



去到Hillwood Berry Farm已是下時四時十五分, 前台話只有二十分鐘去採擇, 沒有固定收費, 採了的士多啤梨以重量計, AUD10一公斤, 最終採了0.8公斤, 好靚, 好好食.


下一站是去Barnbougle Dunes Resort, 途中可以睇下薰衣草園, 到達Bridestowe Lavender State, 已見大閘關上, 園內人員指示仍可進入, 原來薰衣草已於二月尾收割完成, 只可買些Lavender製成品, 沒有興趣, 開車離開直去酒店.

這晚住的是間Villa, 兩間房, 基本上可住四人.



晚上在球場的Sports ClubBBQ, AUD25一人, 有大塊牛扒, 羊肉腸, 加埋我們買的羊架, 非常豐富.

第六天又是高爾夫時間, 在世界排名三十五的Dunes Course, AUD109果嶺費, AUD10手推車, 非常便宜, 此球場是傳統Links Course, 長草有及膝之高, 另外是沙池很高, 加埋好多袋鼠走來走去, 算是球場特色.


打完球, Launceston食午餐, 選擇食印度咖哩, 不錯.


十五分鐘便到Launceston機場, Jetstar返回墨爾本. 再乘SkybusSouthern Cross Station. 住在附近的IBIS Little Bourke酒店.

晚上去DocklandBerth食意大利菜, 有生蠔, Mussel, 海鮮意粉, 炆牛面肉.


第七天又打球, 去墨爾本Albert Park公眾球場打, AUD34十八洞, 港幣二百元, 平到笑, 由市區坐半小時電車已到, 球場狀態亦不錯, 值得推薦.

中午食完碗越南河, 用半天遊下墨爾本的景點, 包括Queen Victoria Market, China Town, St Patrick Catherdral, Flinders Station.




晚上在墨爾本名店萬寿宮Flower Drum食中餐, 傳說很難訂位, 但我是一天前才在網上訂, 都可訂到晚上八時的位. 老實說, 去這些名店有點戰戰兢兢, 它們可能會宰客, 其實大錯, 服務非常好, 食物的質量和Presentation都是一流, 難怪是墨爾本一哥, 不是浪得虛名, 超讚.



第八天是去大洋路Great Ocean Road, Southern Cross Station租車, 先開車去TorquayInformation Centre, 主要是取景點資料, Torquay是滑浪的重點, Front Back Beach.


下一站是Anglesea, 主要是睇袋鼠, 如果沒有在Tasmania的球場見過袋鼠走來走去, 可能都會參加它們的導嘗團, 所以只有路經此地, 直接開車去Lorne食午餐, The Bottle of MilkBLATCheese Burger, 超大隻包, 但味道好好, 可以介紹.

食完飽, Erskine Fall, 如果要與國內的九寨溝, 黄果樹的巨型瀑布比, 當然冇得比, 化二十分鐘去睇下, 都算值得.

下一站是去Teddy’s Lookout, 一個景有山, 有水, 有海灘, 有路, 有藍天.

再下一站是去Kennet River睇野生樹熊, 樹熊主要住在尤加利樹, 平日都在樹高處休息, 好少移動.

跟着去Cape Otway Lighthouse, 途中遇到一隻小樹熊, 所有汽車都停下拍照, 算是意料收獲.


因為拍攝樹熊, 去到Otway Lighthouse已過了它的關門時間.


無辦法只有繼續去十二門徒石.



還有一些時間去埋Loch Ard Gorge.


這晚住Port Campbell Daysy Hill Cottage, 原來是沒有接待處的, 自己拿鎖匙, 全部自助.


趁日落前, 回十二門徒石拍些日落景.

Port Campbell 是一個小鎮, 食晚餐基本上只有在12 Rocks Café, 可以食好傳統的Fish and Chips. 魚塊足足有半吋厚, 又好新鮮.

最後一天, 要在下午二時前回墨爾本機場, 但中途要去Sovereign Hill, 一個叫做新金山的地方, 係以前淘金的小鎮, 時間確是有限, 怱怱睇下便離開.



終於趕及二時回到機場, 還車, 在機場食個三文治, 上機回港, 完成這九天塔斯曼尼亞, 墨爾本, 大洋路之旅.

結語: 這個旅程很豐富, 總共開了二千公里車, 睇到很多靚景, 又見了野生的樹熊, 袋鼠, 海豹, 更打了三場高爾夫, 又食了很多生蠔,非常值得推薦.


20173