小倉, 別府, 湯布院自駕遊

三十五年前跟遊行團到過九州別府, 當時接觸日本文化比較少, 覺得浸溫泉很無聊, 食魚生都只食三文魚, 物價又很貴, 沒有想到現在每年都去三幾次日本; 這次自駕遊, 專程再去別府和日本三大人氣溫泉之湯布院.

乘港龍, 抵達福岡機場後, 租了輛豐田Ractis, 又租埋ETC (通過高速比較方便些), 先去北九州小倉. 住在近小倉城的Crown Palais Hotel.

第一件事是去食晚餐, 去有停車場的「菜好牛」食和牛燒肉, 價錢公道, 值得推介.

跟着是去皿倉山睇日本新三大夜景, 沿着GPS指示去到登山纜車的停車場, 見到很少車, 心中不妙, 原來纜車維修一星期, 可算緣慳一面, 係停車場拍過照便回酒店.

香港的「一蘭」由早到晚都要排隊, 來到九州, 當然不會錯過這有名的拉面, 二十四小時營業, 深夜一時去宵夜, ￥890一碗, 好食.

第二天早上去小倉城參觀, 原來又是維修, 要十月才重開.

其實每個日本的城市都有它的城, 這個小倉城可算是規模較小的, 不能進內參觀亦無大損失.

下午轉去小倉駅的車站酒店, 這家酒店是去年才重新開業, 住在此可以方便購物和飲食, 步行幾分鐘就到旦過市場, 有鮮魚及其地雜貨賣, 又可以平平哋(￥980)食碗寿司飯, 順便買了一只活鮑魚(￥2400) 做刺身拿回酒店食, 非常好.

晚上去了商店街食雞料理, 有火鍋和釜飯, 但無甚驚喜.

第三天出發去小倉的旅遊景點門司港, 這是以前的通商港, 所以舊建築比較多, 亦是連接本州的關門橋的起點.

到此一遊後, 開車去別府, 差不多兩小時便到別府冷面的發祥店「胡月」, 第一次食冇湯的冷面, 中辣可以接受.

食完面, 去我們三十五年前到過的別府地獄, 買了￥2100的地獄通票, 可以去齊八個地獄, 旅行團通常都只去三四個, 我們自駕遊當然全部都去, 先去海地獄, 鬼石坊主地獄和山地獄.

再開車半公里去下一個停車場, 遊灶地獄, 鬼山地獄和白池地獄.

下兩個地獄, 血池地獄和龍卷地獄原來距離三公里外, 如果不是駕車, 基本上很難去.

遊了兩個小時, 去完全部八個地獄, 要去試一試別府有名的「竹瓦溫泉」砂湯, 先穿它們的浴袍, 睡在沙坑上, 大嬸會用鏟將熱砂鋪滿全身, 覺得沙很重, 但不算太熱, ￥1060十分鐘, 都是一個新嘗試.

差不多晚上七時, 要去杉乃井酒店, 不然會錯過了晚餐.

原來我們當年都住過這家酒店, 感覺是很舊, 今次再來, 不是懷舊, 而是參考了它的網站, 應該是最近一兩年已全部更新, 果然不錯, 變了一家有保齡球場和大型宴會廳的高檔酒店, 最特別是它的超大的露天風呂「棚湯」, 自助晚餐亦很好, 有鱈場蟹和無限量供應的鐵板燒豐後牛, 美味.

第四天在杉乃井食完早餐, 去別府You me做點購物, 然後開車去湯布院, 湯布院的溫泉街, 亦是商店街比較窄, 泊車都很貴, 決定去有停車場的「泉」食蕎麥面, 食完面可以遊下商店街.

去商店街的主要目的是去新開的Snoopy茶屋, 這茶屋太新, 連Google Map都找不到, 決定用自己直覺去找, 終於找到, 飲杯茶, 食件餅, 再買啲手信, 便要趕時間去下一個景點「九重夢吊橋」.

由湯布院去, 要三十多分鐘, 四時半就停止售票, 我們走高速, 去到剛好四時二十五分, 用了半小時走了一圈, 總算完成這景點.

這晚住在一間只有四間房, 每房都有私人風呂的「吾亦紅」酒店, 亦是這次旅程最貴的, 它的晚餐有八道菜, 有前菜, 刺身, 煑物, 天婦羅和BBQ牛肉, 做得很精緻, 但份量都很多, 好食又好飽.

最後一天, 離開湯布院, 先去浮羽, 去路之駅買農產品, 所有蔬菜, 生果和蕃茄都是附近農村生產, 好新鮮, 買好, 入箱, 可以直接帶回香港.

中午回程福岡, 先去食午飯, 去了我們最喜歡的迴轉寿司Akindo, 鮑魚寿司都是￥100, 超抵食. 回福岡機場前, 在福岡市轉了一圈, 打算去面包超人館, 但入場費太貴, 不值得, 轉而去Aeon Mall行一行, 跟着怱怱回機場, 回港, 結束別府, 湯布院之旅.

結語: 這次旅行最難忘的是住在有私人風吕的湯布院，最緊張的是閉館前五分鐘到達九重吊橋，最驚喜的是在Snoopy茶屋飲咖啡，最值得懷念是重到杉乃井酒店，還有，以後租車時記得租埋ETC, 方便很多.

2014年6月