島根景點不多, 所以不是旅行團熱點, 正因為此, 這次去一些比較日本地道的地方, 食下嘢, 浸下溫泉.
乘廉航 (來回只HK$1350) 直到廣島, 因為廣島機場離市區比較遠, 又沒有火車, 只有機場巴士, 去市區要一個小時車程, 我們以前都有去過廣島, 所以決定住機場酒店一晚.
晚上在かなわ広島空港店食廣島蠔, 第一次食超大隻的牡蠣小町, ￥1000一隻, 加威士忌食.
在公園入口的Cafe住留食午飯, 這家小店基本上只賣炆牛肉飯, 味道不錯, 難怪所有客人都是食同一樣嘢.
下一站是去唯一開放給公眾的龍源寺間步, 外國人入場費竟有折扣, 去了日本數十次都未曾見過.
回程時發現有幾個大嬸在採栗子, 正是Low Hanging Fruit, 垂手可得, 是我第一次見到野生栗子和實驗怎樣取出果實, 上了一個寶貴的自然課.
離開石見銀山前, 用少少時間去埋五百羅漢寺和大森地區的江戶街道, 老實說, 可觀性不高.
下一站是去新開的出雲Aeon Mall 購物.
這晚住出雲Green Rich Hotel, 這家連鎖酒店主打遍遠地方商務客, 所以設備都比較新.
晚餐去燒肉の藤增食燒肉, 這家店賣的是它自己的藤增牧場牛肉, 所以不貴亦不錯, 可以推介.
第三天是此旅程重點, 出雲大社. 順路先去日御崎燈塔, 這是世界一百選, 亦是日本最高的燈塔, 入場費￥200, 上到塔頂, 差不多有十層樓高, 體力差都會幾吃力.
離開日御崎, 行車十多分鐘便到出雲大社, 這神社之所以出名是神樂殿的超大緣結, 遊客都在此取景, 本殿反而很少人留意.
下一站是島根葡萄酒館, 有葡萄酒試飲, 芝士試食, 又可參觀葡萄酒釀造博物館.
再開車一小時便到玉造溫泉, 是日本全國溫泉十五選, 稱為美肌神湯, 住在有大型露天混浴風呂的長樂園.
既然有名氣, 一泊二食要￥15000一人, 料理食物不過不失, 無甚驚喜.
食完飯可以在溫泉街逛一逛, 在玉湯川的足湯浸脚, 原來是非常熱, 相信有六十度以上, 所以要小心, 以免燙傷.
第四天是松江遊, 第一站是松江花鳥園
(Matsue Vogel Park), 這個公園依山而建, 分為不同展區, 遊客先乘長長的扶手電梯到山頂, 然後沿路下山參觀, 省很多體力, 如果時間許可, 可以看企鵝遊行和貓頭鷹飛行表演.
中午預算食拉面, 在途上, 見到有無添加寿司, ￥108一客, 可以快快醫肚, 我對無添加的印象是不錯的, 但上次在它的東京品川的駅前店食, 覺得太行貨, 好似在便利店食, 原來郊區店舖食品是不同級數, 因為駅前店主要是遊客, 郊區店主要是當地居民.
下一站是遊宍 (音肉) 道湖, 去到登船碼頭, 辦公室關了門, 碼頭指示三時半才有船, 在旁邊的超市買些嘢, 再回碼頭, 只見辦公室已開, 但無任何遊客, 老闆 (亦是船長) 問我是否去遊宍道湖, 外國遊客只收￥1000, 就是這樣, 用￥2000包了一隻遊船遊了一小時.
下一個觀光點是松江日落, 在宍道湖邊有觀景區可以拍照, 有些龍友已準備好, 可惜當天密雲, 沒有日落景, 只有回去松江駅的Green Rich 酒店 Check in.
晚上在松江駅附近的和らく食海鲜, 蟹脚天婦羅 ￥1200, 刺身盛合￥1900, 好抵食.
第五天早上去松江城, 這是日本五個國寶級的木造天守閣之一, 姬路城和彥根城都已去過, 只欠松本和犬山未去.
下一項目是崛江 (松江城護城河) 遊, 艇伕可以隨時將船頂降低以便通過很低的橋洞, 最後艇伕還唱民謠娛賓.
島根行程已完結, 下一站是去鳥取的米子食鳥取和牛火鍋, 開車四十分鐘便到和顏, 店不大, 有些難找, 和牛午餐￥3900, 美味.
食完火鍋, 去境港, 參觀著名漫畫家水木茂創作的漫畫街, 整條街都是他的作品, 可惜雨越落越大, 短暫停留便離開.
開半小時車去皆生溫泉, 住一間很新的溫泉酒店海の四季.
晚上再回境港, 在美佐食晚餐, 紅楚蟹煑或燒都是￥2000一隻, 大大碟炸雞￥500, 平過KFC, 煑油甘魚頭亦只￥1000, 值得推薦.
最後一天在酒店食完早餐便回程去廣島機場, 浪費了啲時間去鳥取的道の駅, 以為可以買些水果, 原來大錯, 它的道の駅都是小型的, 無乜睇頭.
決定直去東廣島Fiji Grand Mall, 為保交通順暢, 用埋Google Map作輔助, 果然有用, 行車的最初一個多小時, 車上的GPS和Google Map都是同一路綫, 因Google是實時的, Google突然提示走另一條路會省回半個小時, 決定信, 在它建議出口離開高速, 遥望遠處, 只見長長車龍已在高速出現.
中午時已到東廣島, 在Akindo食寿司, 再在Fiji Grand Mall購物, 然後開車回機場, 還車, 上機前, 再食一隻牡蠣小町, 以此結束這六天島根鳥取之旅.
結語: 如果唔想碰到大陸, 香港或台灣旅行團, 這個行程可以考慮; 六天旅費包食, 包住, 包機票每人八千, 都算合理.
2016年9月
