飛札幌的機票淡季都要四千幾, 所以三幾年才去一次北海道, 但香港航空的二千二元連稅機票太吸引, 所以今年再去北海道; 今次的行程主要是環繞札幌的西南邊; 登別, 余市, 定山溪.
 |
| 新日本三夜景藻岩山 |
早機去, 下午三時已到新千歲空港, 入境和清關都順利, 第一件事是去租車, 取車的地方原來距離機場差不多十五分鐘車程, 開車時已是四時半, 第一站是日本溫泉人氣第五的登別溫泉.
大部分溫泉區都是古式建築為主, 溫泉街比較窄, 登別溫泉區則很大, 大型酒店亦都多, 路亦很寬, 選擇一泊二食的格蘭酒店, 每人￥13,000.
食完豐富的自助餐, 去地獄谷行下, 因為晚上九時半前都有燈光, 飽飽地散下步確是不錯.
第二天早上食完早餐的第一站是登別熊公園, 這公園建在山上, 要乘索道上去, 公園不大, 園內養的棕熊亦算不少, 可以用￥100買啲食物餵, 幾好玩, 不用一個小時便玩完回程.
下一站是開車去大湯沼, 奧の湯, 那裏的大正地獄因事封閉, 但天然足湯繼續開放, 可以足浴.
回程再經地獄谷, 影番張日景相, 再起程去食飯.
開車半小時便到我們預算食午餐的地方, 蟹御殿, 一個海鮮市場, 亦是旅行團用團餐的地方, 如果單是食定食, 每人￥1100便可以, 既然來到, 見到活的帆立貝 (￥1000) 和大大隻活的北寄貝 (￥2000), 當然要食刺身, 仲要加多兩隻海胆 (￥2000) 才滿足.
食完刺身, 下一個景點是室蘭地球岬.
和室蘭八景之一的金屏風.
拍過照, 便要去洞爺湖, 要剛趕及最後一班四時半的遊船遊洞爺湖.
拍過照, 便要去洞爺湖, 要剛趕及最後一班四時半的遊船遊洞爺湖.
遊完湖, 去留寿都, 住留寿都渡假酒店, 主要目的是打高爾夫, 一晚五星級酒店連早餐加一場高爾夫￥19400, 非常便宜.
這個渡假村很大, 有四個十八洞高爾夫球場, 又有機動遊戲遊樂場, 更加有單軌電車穿稜連接.
去了一整天旅遊, 晚上在居酒屋かかし食串燒,
食釜飯, 歎杯清酒.
第三天早上是高爾夫球時間, 這個Tower球場由日本高球名將
Ozaki設計, 都算有特色; 打完球, 還可以在Westin Resort的大浴場洗過澡才去食午餐.
下一站是余市蒸餾所, 是竹鶴威士忌的大本營, 可以參觀他們的博物館和他們的創始人竹鶴政孝的故居, 更免費飲三杯威士忌, 當然會破費買啲蒸餾所限定的威士忌.
再開車一個小時才到我們訂的定山溪View酒店.
定山溪溫泉名氣雖然不及登別, 勝在地理位置較佳, 離札幌只四十分鐘車程, 價錢亦比較相宜, 一泊二食只需￥8300, 所以住客都較多, 要求降低少少, 是不錯選擇.
第四天第一站是豐平峽, 開車十幾分鐘便到停車場, 轉乘環保車經過一條長隧道便到豐平峽水壩, 再乘小型免費纜車至山腰, 可以見到水壩出水口的景觀.
下一站是去苫小牧公設市場, 中途在支笏湖稍作停留, 休息下, 影下相; 然後向我們的目的地マルトマ食堂進發, 這食堂主打新鮮北寄貝,
據說無時無刻都要排隊.
下午一時半前已抵達苫小牧, 果然名不虛傳, 門前已見人龍, 急不及待立刻排隊, 已見食堂負責人將隊尾的牌放在我們後面去截龍, 亦即是我們是他們收工前最後的顧客.
終於等到二時十五分才入座, 第一件是詢問有沒有門前的特價奢侈豪華海鮮丼, 店員問過廚房後說可以下單, 當然不能錯過, 還加點了兩隻帆立貝和北寄貝刺身.
這個海鮮丼都算誇張, 有一隻活鮑魚, 五件Toro, 五隻大蝦, 一大份海胆, 北寄貝, 帆立貝, 多到記不清, 足夠三人食, 兩個人基本上不能食清, 埋單只是￥7000, 超正, 不狂排隊等了四十五分鐘.
食完咁好的海鮮, 開一個小時車去札幌, 入油, 還車, 住札幌駅的JR Inn, 跟着做一啲指定動作, 購物.
晚上在串鳥食串燒宵夜, 結束這一天的行程.
第五天轉去Richmond酒店, 跟着是購物時間, 中午去食札幌獨有的咖哩湯飯,
有五種辣度選擇, 辣辣地, 不錯.
下午茶在椿食札幌Pancake, 賣點是Pancake夠厚, 鬆軟, Presentation 又好, 亦唔貴, 難怪很多港人都嚮往.
晚上去睇日本新三大夜景, 坐市電去, Google Map 的人工智能指示在電車事務所下車, 原來是超錯, 要走一條冇路燈的小山路才到索道站, 理應在Ropeway站下車, 跟着大路行或等免費Shuttle, 冇辦法, 選擇錯誤, 但終到索道站.
坐一程索道和一程有軌纜車才到藻岩山山頂, 當天天朗氣清, 夜景不錯.
回到大通駅, 在炎居酒屋食晚飯, ￥750飲の放題, 九十分鐘任飲啤酒, 清酒, 可以儘情飲.
第六天第一個節目是去札幌中央卸売市場的朝市逛一逛, , 因為出發時間晚, 市場內的店已預備收工, 沒有甚麼可以買, 原本計劃在鮨の魚政食早餐變成食Brunch, 寿司店只剩我們兩個客, 真是即叫即做, 這家寿司店桌上是沒有醬油的, 師傅是根據你點的寿司來放最合適的醬料, 幾專業.
離開朝市前, 還買了兩個小的富良野蜜瓜, 每個￥500.
回到札幌駅, 又因Richmond酒店冇房, 要轉去新札幌駅的Emisia酒店, 酒店座落火車及地鐵站上面, 可在Aeon和大型商場Sun Piazza購物, 房間亦比札幌站的酒店大, 值得推薦.
下午茶再食Pancake, 去東札幌駅的Kanon Pancake, 這家店選擇比較多, 在Pancake中層加上薯蓉拼煙肉都算特別, 好食, 有創意才會進步, 讚.
晚上回大通駅的田村食燒肉, 厚切牛舌必食.
最後一天, 午餐在醬油屋食碗义燒面, 再乘JR去新千歲機場, 結束這北海道之旅.
結語: 這個行程最驚喜是在苫小牧食超豪海鮮丼, 下次去北海道都會再幫襯.
2017年8月
