買了港龍平機票, 連稅都只是千三元, 早上八時開機, 十二時已到, 第一件事是買張電話及數據卡, RM30已有2G 數據, 如果用的數據不多, 足夠用五天, 平過租Wifi蛋.
出了海關, 往右邊走, 在AVIS租輛小車, 四天連保險折算港幣千三元, 再用RM20買張Touch&Go卡, 以方便付路費.
第一站是去G Hotel Kelawai, 一間本地辦的五星級酒店, 房間及服務都有高水準, 值得推薦.
跟着是開車去George Town食嘢, 食炒貴刁, 炒飯, 加埋杯白咖啡, 只是RM15, 即每人港幣15元, 喺香港只能買杯咖啡.
食飽, 行下George Town街道, 最後, 睇埋舊關仔角鐘樓.
回到酒店, 在Gurney Paragon Mall的Food Court食晚餐, 一煲煲仔飯, 豆付菜鍋, 十枝印尼沙爹, 一個泰國芒果糯米飯, 都只是RM 38, 平到笑.
第二天 旅遊第一站, 極樂寺, 入場免費, 要上山睇觀音像的小纜車要收RM6, 大熱天時, 當然要幫襯.
第二站, 檳城山, 登山纜車是2011新建的, 行走的速度快過香港纜車很多, 每人RM30; 山上原來有不同的景點, 如果有時間, 可以玩半日.
到此一遊後, 回Gurney Plaza SuperDry 購物, 以同一貨品, 這裏的價錢平過香港30-40%, 更加可以退稅6%.
中午去多春茶室飲檳城白咖啡和食半熟蛋多士, 同枱的是一個檳城本地人, 他說這家咖啡是最好的, 他飲了幾十年.
離開檳城, 開兩個小時去怡保, 入住Weil Hotel,
這家酒店座落於大型購物商場Ipoh Parade, 可以去Parkson和Jaya Grocer買嘢.
晚上在酒店的玉寿軒食煎大蝦, 豆付, 做得不錯, 又唔貴.
第三天 早上去了Royal
Perak Golf Club打波, 訪客價RM278, 包果嶺及球車, 用球僮, 費用RM50, 球場保養幾好, 可以推薦.
打完波, 去食怡保名菜, 老黄芽菜雞, 基本是半隻白切雞加碟芽菜, 加埋鹵雞脚和兩碗河粉, 共RM52, 抵食.
下一站是去高晶柚園睇打捫柚子種植, 柚子比較清甜, 最後買幾個柚子回港.
跟着開車去太平的安東咖啡廠買咖啡, RM 13一公斤, 即港幣26元, 咁平, 講都無人信
這晚住太平新開的Novotel, 房價港幣396包兩個早餐, 又係平到唔信.
晚上去十八丁食炒海鮮粥, 粥就食得多, 炒粥是第一次, 有蟹, 有蝦, 算好好食.
第四天 早上去太平市民晨運經常去的太平湖和參觀Perak Museum霹靂州博物館, 入場費RM5, 以此結束怡保, 太平兩天.
開車回檳城, 在George Town掃街, 食咖哩面, 炒粿條, 煎蠔餅.
然後去Check In檳城老牌酒店Shangri-la
Rasa Sayang, 原本計劃去Penang Golf Club打多場球, 誰知當天是馬來西亞假期, 冇得打, 只有在Shangri-la的小型九洞Chip & Putt玩下.
晚上去酒店附近的Golden Thai食海鮮, 睇下乜嘢係魚王, 食一條忘不了要港幣兩千元, 太貴了, 唔食; 最後只食了清蒸海蟹和豆付, 老實說, 這家店都是做遊客生意, 偏貴, 不值推介.
最後一天, 食完豐富早餐, 回機場還車, 結束五天自駕遊.
結語: 這個旅程最開心是甚麼都平, 除了食物, 酒店平之外, 路費亦平, 開個半鐘高速只是港幣三十多元, 汽油更平, 四個半港幣一公升, 難怪唔見到有人開電動車.
2018年1月
