歐洲 葡萄牙自駕遊

乘國泰機直航馬德里Madrid, 再轉乘西班牙航空去葡萄牙首都里斯本Lisbon.

Radisson Blu酒店離里斯本機場不遠, 有Shuttle接, 不用二十分鐘已抵達.

晚上在Chimarrao食巴西燒肉自助餐, 每人€14, 有豬, 牛, 雞, 最好食是雞心, 抵食.

第二天是觀光時間, 第一站是Marquês de Pombal Statue和里斯本的地標愛德華七世公園.

跟着沿自由大道下行去下一個景點, 坐Ascensor de Gloria纜車登山, 其實只是上山腰, 行車不用八分鐘, 但因為傾斜度頗高, 徒步上去是費力的, 下山則可以接受.

在光復廣場和Rossio廣場打個卡後, 再去預算的景點Elevador de Santa Justa電梯, 排隊的人太多, 只有暫時放棄, 先去食飯.

中午在米芝連兩星的Belcanto食, 服務和食物當然非常好.

下一站是坐舊式電車去離市中心五公里的貝倫市.

貝倫只有三個景點, 貝倫塔, 航行者紀念碑和Mosteiro dos jeronimos修道院.

其實來貝倫主要是食它的元祖Pasteis de Belem葡撻, 這家舖都算跨張, 整天都是人龍排隊買外賣作手信.

食完葡撻, 坐巴士回Commerce Square, 再去Elevador de Santa Justa排隊搭古董電梯, 人流速度確實非常慢, 等三四十分鐘才坐兩分鐘是不值得.

下一站去Time Out Market食飯, 是food market形式運作, 有燒魚, 燒豬, 更有西班牙知名的Iberian Ham, 最困難是找個可以坐低的空位.

第三天喺Hertz租輛寶馬520去Sintra和Obidos, 租車不貴, 只是€59一天, 保險加埋稅, 要加多€59, 即€118一天.

第一站是去Sintra皇宮, 葡萄牙皇宮比較簡樸, 並不像凡爾賽宮的輝煌.

下一站Palace Pena, Google Map指示了一條錯的路, 走了一圈, 走回原地, 決定用直覺去找, 終於找到, 但浪費了很多時間, 連食午餐的計劃都要取消; 錯有錯着, 可以去埋Moorish Castle.

去完Castle, 再步行去Palace Pena, 這皇宮色彩比較多, 影相最佳.

下一站是歐洲最西邊的Cabo da Roca, 亦是Sintra最後的景點.

開車一個小時便到Praia D’ei Rey Marriott, Praia D’ei Rey是一個大型Resort和地產項目, 有兩個高爾夫球場.

第四天早上是高爾夫球時間, 在歐洲排名十四的West Cliffs打球, 收費不貴, €69果嶺費, 球場有特色, 有難度, 狀態好, 值得推薦.

打完球, 開車去Obidos的Jamon Jamon食家族式午餐, 有Iberian Ham加芝士, 有魚, 有豬肉, 每人€13, 經濟實惠.

然後在這聲稱葡萄牙最美麗小鎮逛一逛, 飲杯獨有的朱古力杯Sherry酒, 可以食埋隻杯, 以此為Obidos古鎮遊之終點.

  

Obidos還有一個景點, 就是古羅馬式的水道橋.

開車回Lisbon, 去大型購物商場Colombo睇下和食晚飯, 最後決定食葡國的海鮮鍋, 是聞名的西班牙海鮮飯的姊妹作, 兩者不同處是葡國海鮮鍋的飯是分開上的, 每人可以選擇汁料多少, 讚.

這晚住Lagoas Park Hotel, 酒店位處高速旁邊, 二十分鐘車已到機場, 乘早機去西班牙馬德里, 結束葡萄牙之旅.

(待續)….

2018年4月

歐洲 西班牙遊

由里斯本飛馬德里只需個多小時, 抵達後, 乘地鐵到O’Donnell站; Check in Novotel Madrid Centre, 已是下午二時半.

食個快餐, 下一件事是去Ventas站買鬥牛門票, 買了Tendido Alto Shade位, €38.5一張.

買完票, 去東方廣場的Café de Oriente飲咖啡.

坐喺路邊, 除了飲咖啡, 食餅, 更有餘慶, 在皇宮前, 可以睇埋復活節的宗教儀式遊行

再去San Miguel Market食嘢, 這個food market主打海鮮和西班牙Tapa, 實行掃街, 食咗生蠔加魚子醬, 牛仔骨, 再加兩份Tapa和Iberian Ham, 滿足.

第六天是遊馬德里市, 先走太陽門, 主廣場和大教堂.

再遊皇宮;

和聖母主教座堂.

中午在San Miguel Market旁的Amicis食西班牙海鮮炒飯和飲杯手功啤酒.

下午去世界三大博物館之一的Museo Nacional de Prado睇名畫; 老實說, 唔識點欣賞, 只是人看你看.

睇鬥牛是西班牙獨有的節目, 這次旅遊剛好睇到, 準六時開場, 兩個多小時共有六場, 亦即是殺了六頭牛.

晚餐在Fuku食日本菜, 水平只是一般, 喺歐洲食日本嘢不可要求過高.

第七天坐高速火車AVE去Barcelona巴塞隆拿, 車速接近300KM, 兩個多小時便到Sants火車站, (註: 如果自己開車, 要六個鐘, 中途亦沒有值得去的地方) 

再坐local R火車兩個站, 便到凱旋門站, 再步行約十分鐘到Yurbban Passage Hotel, 一間將舊大樓活化的新式酒店.

下午是遊覽時間, 但要在十二時前去4 Cats食Late Breakfast, 這家是台灣客的名氣店, 台灣的旅遊Blog都有很多推薦, 亦是有些台灣旅行團的指定食肆.

食完早餐, 行去巴塞隆拿大教堂, 歐洲的教堂通常是免費的, 這間收每人€7, 主因是有電梯送你上屋頂參觀.

下一站是建築師Gaudi高第的作品, 米拉之家, 入場費€20+, 時間有限, 決定先去聖加堂, 又碰釘, 當天門票已售罄, 只有在網上買明天黃昏六時的票, 失望下, 乘的士去Park Guell, 同樣結果, 當天無票.

  

晚上回酒店附近的Crudo Bar食西式海鮮, 墨魚汁海鮮飯和酥炸魷魚筒都不錯.

第八天 要完成昨天未做的事, 一早便坐24號巴土去Park Guell, 這景點其實很細, 快者三十分鐘行完, 慢慢睇都是一小時, 地標是它的彩色蜥蜴, 人人争住打卡.

第二站是拉米之家.

我雖然不是足球迷, 但對巴塞隆拿足球隊都略知一二, 所以化少少時間去睇下它們的Camp Nou魯營球場, 喺佢哋Megastore, 美斯Messi十號球衣要賣€160, 太貴了.

跟着去埋Tower Agbar 和Mercado de La Boqueria聖荷西市場.

下午六時準時到達聖加堂, 果然很震撼.

晚上去Piazze d’Italian食意大利餐, Pizza不錯, Pasta, Lagsana及服務一般, 以此結束巴塞之行.

第九天坐高鐵回馬德里, 中午在酒店旁邊的Comarca de Aliste食我們期望以久的西班牙海鮮飯, 都算唔錯.

食完嘢, 坐地鐵去Club de Olivar打高爾夫球, 雖然球場難度不高, 能夠喺市區內有個咁似樣的球場算是難得, 又可給我在我的高爾夫地圖上加多一個國家.

臨別秋波, 晚餐食啲好嘢, 喺米芝蓮兩星Ramon Frexia食二十道菜的菜單, 由九點食到十二點, 好正.

第十天 收拾行裝, 坐Express Bus (€5) 去Madrid Terminal 4, 乘國泰機回港, 結束這次西葡之旅.

結語: 這個行程很充實, 有美景, 有美食, 更可在這兩個國家打高爾夫, 唯一未盡善之處是沒有考慮到復活節假期時景點的擠擁, 門票應該早啲喺網上訂.

2018年4月