中午飛, 下午四時半已抵達米子機場, 因為機場細, 租車的櫃枱就在門口, 很方便, 第一站是去皆生溫泉, 住Seaside 皆生酒店.
晚上去米子市 焼肉うえば食鳥取和牛.
第二天上午是去大山旅遊, 首站是とっとり花回廊, 如果不是下雨, 這個花園是一個郊遊的好地方.
下一站 原來計劃是去鍵掛峠睇有鳥取富士山之稱的大山, 發覺登山道路已關閉, Sky Lift當然亦不開, 餐廳亦唔會開.
只有即時改行程, 先去大山寺, 因為有雨, 上大山寺的石路很濕滑, 有一部份更變了水池, 怱怱行吓, 影張相便離開.
跟着去倉吉市寿司郎食寿司, 食完嘢, 開車去二十世紀梨紀念館, 這是一個梨的博物館, 有種梨的歷史和防害蟲的方法, 更可試食, 我們的選擇是新甘泉, 最甜和最爽.
雨突然慢下來, 決定去另一景點, 倉吉白壁土蔵群, 由於剛剛停雨, 遊人很少, 景區前面的小型停車場亦無車, 如果人多, 要揾位泊車應該不易.
晚上去倉吉駅的居酒屋 はなの舞, 有刺身, 清酒蜆, 釜飯, 炸蝦和串燒, 除了串燒, 其他都做得不錯; 這家連鎖店就像麥當勞一樣, 食品不求驚喜, 只求水準保持.
這天去東鄉湖景區的羽衣住一晚, 原來訂了一間不包浴衣和毛巾的房, 唯有用小毛巾頂住檔.
第三天 第一站是白兔神社.
下一站是海鮮市場かろいち, 滿以為可以食新鮮的紅楚蟹或岩牡蠣, 結果是失望, 只能在產直市場買了一箱四個的新甘泉大梨.
中午去了賀露港市場食堂, 海鮮丼, 包一板海胆只是港幣百二文, 超抵食, 天婦羅定食亦不錯, 可以推介.
下一站是去大江ノ郷自然牧場食Pancake和飲咖啡, 此牧場的賣點是它出產的天美卵, 日本人專程來此買蛋和食Pancake, 據說是日本三大Pancake之一.
食完甜品, 去鳥取砂丘美術館, 本期展覽是北歐.
下一站當然是鳥取砂丘, 好大風, 吹起的砂粒打到脚上, 覺得有少少刺痛, 風亦造成了很特別的砂紋.
雨又再來, 怱怱去到鳥取駅附近的Hotel Monarque Tottori, Check in後在鳥取駅的商店逛一逛, 然後去かに吉食晚餐, 顧名思義應該是食蟹, 老板大廚已在訂位時指明沒有蟹,
更沒有岩牡蠣, 只有鮑魚, 總共九道菜, 每人￥10,000.
第四天 天氣轉好, 計劃去坐浦富海岸島遊覽船, 到達碼頭才知因大浪, 全天停駛.
唯有去下一站, 梨狩, 即是在梨園摘樹上的二十世紀梨, 每人￥800, 任摘任食, 還可以用特價￥1100買五個梨, 不限大小.
無得遊船河, 開車去山陰海岸的展望台睇千貫松島, 雖然路標並不清楚, 最後都找到.
中午去鳥取寿司名店 回転すし北海道的湖山店, 好靚的三貫盛, 只是￥380, 大大件即做的蛋寿司￥240, 其他寿司都正, 值得推薦.
下一站是三德山, 雨又開始大, 要爬山一個小時才可去到國寶投入堂, 決定放棄; 冇登山, 只有從山下影張相.
唔去爬山, 早啲去三朝溫泉, 行下溫泉街.
晚上再去食鳥取和牛, 開車二十分鐘去倉吉駅的大平門食, 厚切三點盛￥4,700, 油花均勻, 入口即溶, 鳥取牛確是名不虛傳.
這晚住三朝館, 老字號, 新裝修, 房間有私家風呂, 早餐亦豐富.
最後一天, 先去大谷酒造, 買瓶鳥取清酒純米大吟釀鷹勇, 再去日吉津Aeon Mall, 未入Aeon Mall前, 去旁邊的產直市場買啲菜.
中午在Aeon Mall的Food Court食西式牛排, 這間Ikinari Steak是好好生意, 整天都要排隊, 每克￥9 安格斯Tenderloin, 300g只是￥2,700, 夠兩個人食;
再開車去米子機場, 以此結束鳥取之旅.
結語: 這行程適逢每天都下雨, 有部份計劃去的景點要取消, 九月亦不是食嘢好時間, 七八月可以食石蠔, 十一月可食松葉蟹, 鳥取是自駕遊的首選, 又冇塞車, 又不用付路費, 下次再來, 更可以考慮打場高爾夫球.
2018年9月
