十七年前坐火車去過金澤幾個小時,
今次自駕遊, 再來金澤, 睇紅葉，又可以去埋石川縣的能登半島和加賀溫泉區.
由名古屋中部機場出發, 先在常滑的寿司郎食午餐, 然後去名古屋北部的Mozo Wonder City 行吓,
再去岐阜小牧市, 住AB酒店.
晚上去釣船茶屋食, 賣點是現場釣魚, 釣上來的鯛魚可以一半刺身, 一半鹽燒, 魚頭魚骨還可雜炊(煑粥), 一魚三食, 有得玩, 有得食, 又唔貴.
宵夜喺酒店旁的藤一番食碗面,
這店開到零晨五時, 隨時都有得食.
第二天 是參觀日本五大國寶城之一犬山城,
雖然天守閣外圍維修, 仍容許遊客登閣, 此城不大, 一個小時便可遊完.
下一站是去郡上食鰻魚飯, 這家美濃錦是鰻魚百選之一, 亦是米芝蓮推介,
鰻重￥3200, 果然名不虛傳, 即叫即燒, 美味, 下次再到郡上, 都會幫襯.
跟着開始紅葉之旅, 第一景點, 郡上八幡城, 剛巧可以直上山上的駐車場, 省回很多脚骨力, 時間亦剛好, 紅葉真是好靚,
下一站是去高山, 這是去能登半島的一個中途站;
其實食飛驒牛是主要目的, 丸明燒肉已是遊客0必到, 四年前去過, 當時都有一半是日本人, 現在百分之九十是遊客, 香港人亦佔多.
這晚住Spa Hotel
Alpina, 以前都住過, 當時正值日本長假期, 要￥20,000, 今次唔使￥10,000.
然後開車去能登食祭市場, 車程兩個多小時, 以為可以趕及十二時半的遊覽船, 餵海鷗, 人算不如天算, 當天浪急, 不能開船.
冇得坐船, 唯有買啲海鮮去濱燒, 自己揀海鮮, 只是用餐廳的BBQ設備, 收費是每人￥530, 當然好過用店內的套餐.
跟着是去加賀屋的姊妹店虹と海,
一泊二食, 食能登牛肉火鍋, 有証書証明牛肉是正貨.
第四天 去能登半島的北邊旅遊,
先去白米千枚田, 是水稻的梯田, 這個時間已收割,
只餘下一些草苗, 影張相,
可以繼續下一景點, 輪島朝市, 又是名過其實, 怱怱睇下, 可以走人.
食完好嘢, 去今次旅程重點, 兼六園的紅葉, 雖唔算是見頃, 但都不錯.
這晚原計劃是去地道啲居酒屋食,
踫巧是星期五, 比較有名的居酒室都滿座, 唯有去金澤駅附近, 食碗面, 亂打亂撞, 這家吉宗都好好.
最後一天, 食完早餐, 開車去常滑Aeon Mall,
中午在はま寿司食, 當時是海胆祭, 海胆寿司￥90, 非常平; 食完, 返機場, 結束金澤, 能登半島之旅.
結語:
1. 去過日本無數次,
紅葉都是擦身而過, 今次時間剛好, 岐阜的郡上八幡城, 石川的兼六園和金澤城都有非常靚的紅葉, 大滿足;
2. 遊完犬山城,
五個日本國寶城已去齊, 彥根城 (2011),
姬路城(2013), 松江城(2016), 松本城(2018);
3. 今次旅程最唔明是飛驒牛比四年前還便宜,
200G A5 牛扒以前賣￥4900, 現在只是￥4500, 唔怪得咁多人嚟食.
2019年11月
