旅遊: 4月 2019

四月去洛陽, 除了賞牡丹, 還可以了解這個十三朝古都的歷史, 更加去埋龍門石窟, 繼雲崗石窟, 莫高窟, 已去完中國三大石窟.

乘港龍機去鄭州, 誤點一個小時, 抵達新鄭機場已是下午四時半, 避免塞車, 坐地鐵去東風路,

Check in 萬達文華酒店, 這間內地五星級酒店, 達標, 可以推薦.

晚上去食評很高的城牆根食豫菜, 環境好, 服務好, 食品亦很創新, 等位時還有服務員做功夫茶, 讚; 食了串串紅, 毛尖鹵桶子雞, 椒鹽小山羊羊排, 好食, 又唔貴.

第二天 食完早餐, 用滴滴打車去鄭州東站, 坐高鐵去洛陽, 半個小時便到洛陽龍門站,

乘出租車去市區, Check in凱悅嘉軒酒店.

中午去老洛陽面館, 是老牌店的工序, 落單, 付錢, 才有嘢食, 食鹵面和腐乳肉, 夠哂份量, 味道唔錯, 環境則麻麻, 但勝在便宜.

下一站是王城公園, 睇牡丹, 因為是四月的牡丹節, 要買門票; 牡丹通常出現喺國畫, 好少機會睇到真花.

王城公園很大, 有幾個牡丹區, 冇可能有時間去哂, 到此一遊已算,

在公園出口還可以了解什麼是河圖洛書,

坐出租車去明堂天堂景區, 這是隋唐洛陽城遺址重建項目, 在原址建造了武則天的明堂和天堂, 景區有定時的宮庭舞表演, 更有出土文物展覽,

晚上去麗景門古城, 古城全部都是賣洛陽地道小食, 坐喺街邊食, 興趣不大.

終於揾到真不同, 食洛陽水席, 牡丹燕菜, 這間又是老字號, 不求賣相, 只求抵食;

牡丹燕菜, 主要材料是蘿蔔, 經過多番功夫, 變成燕窩模樣, 都算特別, 味道亦可以.

第三天 坐的士去龍門石窟, 買了門票, 還要坐電瓶車去西山, 西山石窟是主角;

東山那邊真實沒有什麼值得化時間去,

香山寺只是一個小寺廟,

白園有點失修, 園內只見一些食肆, 怱怱一睇, 便離開, 再乘環保車回入口處, 召出租車去白馬寺.

白馬寺號稱中國第一古刹, 始建於東漢, 參拜的善信頗多, 入口路旁都是小販, 環境複雜, 老實說, 廟宇的可觀性不高, 反而它的博物館和泰式, 緬甸式, 印度式廟都值得看一看.

晚上在花庭里食牛肉火鍋, 第一次食金龍背筋, 要放落水煑十分鐘, 不錯; 以此結束這一天行程.

第四天 又是看牡丹, 去國家牡丹園, 這裏的品種和顏色比王城公園多, 但很多大型的牡丹花圃都已凋謝.

下一站是洛陽博物館.

然後去王府井百貨超市, 買了一瓶河南三十年白酒, RMB 158, 唔貴;

跟着去百碗羊湯, 飲羊湯, 食件燒餅.

返回酒店, 叫車去洛陽龍門站, 坐高鐵回鄭州, Check in鄭州希爾頓.

晚上九時, 去巴奴毛肚火鍋打邊爐, 毛肚, 烏雞卷和鮮鴨血都是不能錯過, 服務又好, 值得推薦.

最後一天在酒店食個早餐, 原來計劃去河南博物館, 因為有點攰, 決定放棄, 轉而去家樂福買啲嘢, 二十四元買了兩個菠蘿.

中午再去城牆根食, 今次食茶熏雞, 鐵觀音紅燒肉, 柴火牛肉和茶香包, 大滿足; 以此完成洛陽, 鄭州之旅.

結語: 洛陽景點不多, 如果冇牡丹睇, 要去埋少林寺和嵩山, 行程會豐富啲.

2019年4月.

十多年前, 已想去紐西蘭, 終於今年才成行;

乘晚上九時半機, 第二天下午一時半抵達Auckland, 入境的ePassport通道非常方便, 海關亦沒有甚麼阻撓; 第一件事是買張電話及數據卡, NZ 25元, 有1.5 G Data, 足夠整個行程用.

跟着召UberX車, 不用三十分鐘已到Crowne Plaza Auckland;

Check in後, 已差不多四時, 有點餓, 去Oyster & Chop食生蠔, 飲杯本地啤, NZ 2.5一隻生蠔, 即港幣十五元, 點可以唔食.

晚上去Wildfire 食 Churrasco 巴西烤肉, 服務員拿着燒好的牛扒, 雞肉, 羊腿等來到桌前, 要多少, 切多少, 每人任食NZ 60, 如果是食肉一族, 抵食.

第三天早上去Maritime Museum和乘Ted Ashby帆船遊Auckland港, 博物館有導嘗員介紹紐西蘭的航海歷史, 原來七百年前紐西蘭是沒有人類居住的;

跟着是遊船河, 體驗吓點樣升起風帆.

下午去TitirangGolf打高爾夫, 這是Auckland的一個私人球場, 收費NZ 150, 喺紐西蘭打波, 算是高檔.

晚上去Auckland地標Sky Tower 的旋轉餐廳Orbit 360, 食鴨胸和羊肉, 食餐可以減免Sky Tower入場費NZ 32, 一個主菜四十多元減去入場, 只是紐幣十幾文, 平過食早餐, 唔怪得咁多人幫襯.

第四天坐飛機去Christchurch, 因為剛剛發生恐襲, 以為保安會很緊張, 事實並不如此, 都唔見有特警; 在機場租車, 先去機場旁邊的南極中心, 體驗南極風暴和乘坐南極惡劣地形專用的Hagglund, 更睇埋餵小企鵝.

下一站是坐艇仔遊Avon河 (Punting on Avon), 抵達時已是下午五時, 艇伕都準備收工, 我們兩個人NZ 60, 變了包艇.

遊完艇河, Check in Crowne Plaza Christchurch,

然後去Little High Eatery食飯, 這家Food Court型式的食肆, 有日式, 泰式, 燒肉等, 我們選擇食泰國綠咖哩, 意式Pizza 和足有400g的燒牛肉, 賣NZ 22, 牛肉非常好, 值得推薦.

第五天 早上又是高爾夫球時間, 在機場附近的Russley Golf 打, 果嶺費 NZ 60, 即港幣320, 平到唔信.

打完波, 去好有特色的C1Espresso食All Day Breakfast, 食物不是很特別, 賣點是它的食物管型輸送系統.

下一站是Christchurch Gondola, 除了可以在山頂睇到整個城市, 還可以坐自動車去Time Tunnel 了解基督城的歷史和發展.
.

晚上再去C1Espresso, 試吓它們的自動送餐系統. 叫了個豬+牛漢堡包加啤酒, 由空中的輸送管直到餐桌旁, 但要有少少技巧才可打開那個盛載器, 是它的賣點..

第六天 晨早八時開車, 這天是最精華的駕車路綫, 第一站是停Ashburton, 去New World 超市買啲乾糧, 水果; 再開車兩個小時便到風光如畫的Takapo湖.

喺湖邊的Reflection Cafe飲杯咖啡, 食Fish & Chip, 魚是當地的湖魚, 頗不錯.

跟着是去旅行團必去的打卡點, 牧羊犬紀念碑和小教堂.

下一站是Pukaki湖, 又是湖光山色, 如果是雪景, 應該更加靚.

開車去Mt Cook山下的Hermitage酒店, Check in時已是下午四時半, 剛日落, 西斜直射房間, 房間最少有三十度, 只有要求酒店安排換房, 原來這家酒店只有少量房間有空調, 房費亦很貴, 因為當地温差很大, 如果住客晚上才到, 有冇冷氣都冇所謂.

這家酒店有幾間餐廳, 有formal的西餐, 有自助餐, 還有Canteen式的Chamois Bar & Grill, 選擇後者, 食Lamb Chop, NZ 30, 不過不失.

第七天是這旅程重頭戲之一, 去冰川湖Tasman Lake睇流冰, 訂了早上八時團.

先坐十五分鐘旅遊車到Glacier Express 停車場, 再行三十分鐘山路才到乘船點, 如果行動不便, 基本不可參加,

穿上救生衣, 便分批上船, 每船約坐十五人, 船長會詳細介紹湖上的浮冰情況.

全個冰川湖行程兩個半小時, 十一時由酒店開車去Twizel的High Country Salmon, 食三文魚刺身, NZ 35 半公斤, 新鮮, 好食, 算好便宜.

下一站預算去Rippon Winery睇酒莊, Google Map出錯, 找不到, 決定直去Arrowtown 的Millbrook Resort打波, 這個球場是紐西蘭公開賽的比賽場地, 水準當然不會差.

打完波, 去皇后鎮, 到了紐西蘭幾天, 發覺印度的移民都很多, 印度菜應該是不錯, 所以選擇去Taj食印度咖哩和Naan, 咖哩份量頗大, 兩個人其實可以只要一份, 都夠食, 總體來說, 可以推介.

這晚住Queenstown Hilton, 一間在市區對岸, 建在山邊的酒店, 來往市區可以坐水上的士,

第八天在酒店食完早餐, 去New World超市買啲煙牛肉, 火腿, 面包作為Milford Sound 一天遊的午餐, 跟着開車去皇后鎮市區, Check in一間非常新的Mi-Pad酒店, 因為隨後兩天都不會用車, 在市區還車.

下一站是去皇后鎮名店Fergburger食Little Lamby羊肉漢堡包, 這間店晚上九時都要排隊, 因為營業時間早上八時到零晨五時, 如果不想排隊, 可以食宵夜.

食完包, 去坐有百年歷史, 燒煤的蒸氣船 TSS Earnslaw 遊Wakatipu湖, 雖然有少少雨, 湖景確是很美.

遊完湖, 喺皇后鎮一間小店MacKenzie飲杯咖啡, 咖啡來自紐西蘭Tasman區, 好飲, NZ 40一公斤咖啡豆, 又唔貴, 買來作手信.

晚上坐索道去有名的Stratosfare食自助餐, 食餐前, 可以睇下皇后鎮夜景;

據稱這家餐廳是世界十大, 風景當然不錯, 食物水準則普普通通, 可能他們比遊行團的折扣很大, 將貨就價, 散客收NZ95 (包索道), 是不值.

第九天亦是重頭戲Milford Sound, 早上有的士由酒店接我們去遊客中心, 七時開車, 車程要四小時, 中途在Te Anau休息下, 可以食早餐或飲咖啡;

雨開始大, 路旁的河水好澎湃, 車好像在河上走, 如果自己開車, 可以好驚險.

終於抵達Milford Sound碼頭, 原來人頭湧湧, 當然不缺乏國內和香港的旅行團, 所有團差不多都是同一時間開船, 我們參加的Southern Discoveries, 以散客為主, 所以擠擁有限.

因為有雨, 整個峽谷有過千條大大小小不同的瀑布, 很壯觀,

船程兩小時, 再乘旅巴回皇后鎮, 中途的休息站旁邊, 是個小牧場, 養了幾隻草泥馬 (羊駝), 可以餵佢哋, 都算意外驚喜;

再起程, 差不多七時半回到市區.

這晚在finz食燒魚 (NZ 29) 和羊架 (NZ 46), 六條骨的羊架只賣港幣二百五, 抵食, 讚.

第十天 坐飛機回Auckland, 租車開去Rotorua, 中途在New World超市買啲水果, 再入市區Check in Quest Central Rotorua, 這家酒店有齊所有家居設備, 包括洗衣機, 乾衣機, 連洗碗機都有. 決定去Countdown超市買羊架, 買支酒, 在酒店開餐.