襟裳岬, 厚岸町, 釧路, 摩周湖自駕遊

一家人北海道自駕遊, 乘港航, 早機去, 下午二時已抵達新千歲機場, 入境和海關都算順利.

愛冠岬

這個機場的租車公司都是離機場頗遠, 要坐接駁車去, 我們五個大人, 三件大行李, 租架Prius α剛可以, 三時半開車.

第一站是苫小牧, 首先去醫肚, 在旬樂迴轉寿司食, 首選當然是苫小牧最有名的北寄貝, 因為下午四時的人客少, 寿司師傅基本上即場做寿司飯團和現切魚生, 讚.

食完嘢, 在Aeon Mall逛一逛, 買啲嘢, 晚上去Check In苫小牧Comfort Hotel, 然後去串家食串燒, 以此結束第一天.

第二天旅遊開始, 首站二十間道路の櫻並木, 雖然大部分櫻花已過了盛開, 但仍是一個值得去的景點.

下一站是去樣似町的女郎花食海胆, 魚子丼, 北寄貝丼, 新鮮, 美味.

食完還可以在花蘂水產食即開即食的馬糞海胆和生蠔.

跟着開車去以大風聞名的襟裳岬.

和風の館, 感受一吓風的威力.

這晚住十勝ナウマン温泉的Hotel Arco, 一間外觀不像酒店的溫泉酒店.

第三天在酒店食完早餐, 去酒店旁的忠類史前大象遺跡睇下, 原來五十年前在此發現很完整的古象化石, 相信有一二萬年歷史, 老實說, 展館可觀性不高, 十五分鐘可以走人.

下一站是要開車差不多三個小時的厚岸町, 主要是食生蠔, ￥180一隻, 最好的亦只是￥220, 大大隻都係十二三文, 可以生食或用微波爐Ding熟, 咁平又好食, 可算不狂此行.

食完蠔, 去附近的愛冠岬行吓, 藍天白雲, 靚景; 園內更有很多野生鹿.

下一站去釧路和商市場, 七年前曾到此, 買了一只毛蟹, 即場用蒸櫃蒸熟, 記憶尤新, 好好食, 今次再來, 來個翻版, 一大隻￥12,000, 即場食; 除了食蟹, 還可一嘗北海道季節限定的時不知鮭.

據說爐端燒始創於釧路, 所以晚上去炉ばた煉瓦食, 香港的爐端燒是廚師燒的, 這裏是自己在室內BBQ, 乜都有, 食到飽都係每人港幣二百元.

這晚住釧路王子酒店, 日本老牌子, 雖然有五十多年歷史, 保養非常好, 又唔貴, 可以推薦.

第四天早上去和商市場食勝手丼作早餐, 勝手丼像香港車仔面, 自己揀魚生做自己的海鮮丼, 豐儉由人.

下一站是去摩周湖, 這是北海道最靚的火山湖, 天不造美, 登山時已開始下雨, 中途已變成小雪, 抵達觀景台時, 視野很低, 錯過了靚景.

冇辦法, 拍個照. 食杯雪糕, 趕去下一個景點, 芝櫻公園;

芝櫻不是櫻花, 並非生長在樹上, 是以小花型式生長在山坡, 五月中旬是盛開的時間, 如果沒有下雨, 應該是很靚.

在公園食堂食碗面後, 要開三個小時車回帶廣, 中途在足寄駅道の駅和超市休息下, 買啲嘢.

回到帶廣已是晚上七時, 食十勝豚丼, 好食又唔貴, 讚.

這晚住Areaone 酒店, 除了免費停車, 晚上更有免費烏冬食.

第五天早上在珈琲園バンカム飲咖啡食早餐; 然後帶廣旅遊.

帶廣最出名是花園多, 牧場多, 第一站真鍋庭園.

下一站是花畑牧場, 首先在它的餐廳食西餐, 因為花畑以生產芝士著名, 所以芝士加北海道薯仔是必食, 加埋Pasta和Pizza, 不錯.

食完嘢, 參觀牧場內養的綿羊, 小馬和駝羊 (草泥馬).

下一站是回帶廣市, 去緑ヶ丘公園和帯廣百年記念館, 一個大公園和一個頗殘舊的紀念館, 不去也罷.

跟着去北海道甜品名店六花亭本店飲咖啡, 食件餅;

晚上住十勝川溫泉第一酒店, 一泊二食,  最特別是晚餐的自制釜飯.

第六天早上在酒店食完早餐, 去六花の森, 這是六花亭投資和設計的花園, 遊完花園, 可以在六花亭餐廳食嘢和商店買啲專有商品.

中午在帶廣寿司郎食寿司, 

然後開車回札幌; 住新札幌駅的Emisia酒店兩天, 這家酒店房間大, 只離札幌駅十分鐘火車, 旁邊又有商場和Aeon超市, 非常方便, 港幣五百多一晚, 值得推薦.

下一個項目是坐巴士去Mitsui Outlet Park逛一逛, 順便飲杯咖啡.

轉眼已到七時, 剛趕及最後一班巴士回新札幌, 再乘地鐵去大通駅牛の石崎食和牛Shabu Shabu.

第七天是購物時間, 中午在笑や食牛脷, 

下午茶在Kanon食Pancake,

晚餐去食燒肉, 一間主打年青人, 西餐廳設計, 又有現場音樂演奏的Gaja食, 環境氣氛好, 食物則普通, 試吓無防; 

最後在山の猿居酒屋食宵夜, 免費鮭魚子丼

第八天 中午在醬油室本店食碗面, 然後乘火車由新札幌到新千歲機場回港, 以此結束北海道一家人之旅.

結語: 這個行程有三個人開車, 由新千歲機場, 經苫小牧, 襟裳岬, 忠類, 厚岸町, 釧路, 摩周湖, 芝櫻公園, 帶廣, 回札幌, 總共走了千二公里.

2019年5月