買張千七元廉航機票去東京, 除了購物, 食嘢, 還去群馬伊香保和千葉木更津浸溫泉.
晚上在新宿南口鳥貴族食串燒, 全品包括啤酒, 清酒都是￥280, 如果去居酒屋, 啤酒等飲料都要￥500以上, 算經濟實惠, 值得推薦.
第二天租車去群馬, 首先去琦玉縣朝霞台食寿司, 這家寿司郎(スシロー)都很誇張, 下午二時半還要等位, 終於三時才有得食, 咁多人食一定有佢的原因, 新鮮蟹脚寿司只賣￥280, 唔駛港幣二十元, 去邊道搵.
食完寿司已接近四時, 原本計劃去榛名湖觀光都要取消, 決定直接開車去伊香保溫泉天坊, 一泊二食每人￥10000, 自助餐菜色品種很豐富, 天婦羅和牛扒尤其不錯, 讚.
第三天食完早餐, 先去榛名湖, 榛名湖及榛名富士山原來並不是很有名氣的旅遊點, 自從頭文字D利用了它的多重髮夾灣山路拍攝, 一炮而紅, 如果是駕車新手, 走這段路要很小心.
下一站是去道の駅藤岡買些當地新鮮的蔬菜, 當然要買些上州西冷牛扒, 上州豬肉亦不錯, 回港可以做豚角煮.
再開兩小時車便到下一個購物點, 幕張Aeon Mall, 首先要醫肚, 在利久食炭燒牛脷, 食了￥1800三周年特別套餐.
在Aeon Mall逛了兩個小時, 又要去下一站, 木更津三井Outlet, 日本下午五時已天黑, 我們抵達時Outlet的遊客基本上都離開了, 我們怱怱走一圈, 做些購物, 便要速去三日月富士見亭Check In, 因自助餐七時三十分開始.
自助餐不是想像中豐富, 最特别是它的原隻鮑魚和螺湯.
晚上可以有兩個溫泉浸, 富士見亭頂樓有一個, 非常新, 但地方有限, 沒有新意, 三日月的舊溫泉大啲, 好玩啲.
第四天有個小插曲, 早上六時, 整間房都在搖晃, 我的感覺是地震, 走出房間, 沒有人慌張, 決定不理, 後來才發現是日本東北7.2級地震; 地震過後, 食完早餐, 又去購物, 今次去木更津Aeon
Mall, 其實沒有什麼買, 只是到此一遊.
回程到東京還車前, 將大型行李放在羽田機場儲物處, 兩件行李￥1000, 這樣安排可以省回很多力氣, 回到市區, 找電油站原來不易, 決定交由租車公司去入油.
中午在東京駅大丸樓上的XEX食鐵板燒, 牛肉午餐￥2900, 都算抵食.
下午茶去三軒茶屋的Café Obscura 飲咖啡和食Cake.
晚上九時訂了俺の割烹, 日本人氣很旺的餐廳, 食刺身, 龍蝦, 鮑魚, 牛肉, 燒豚肉, 大蝦天婦羅, 一瓶清酒, 三個人消費只￥20,000, 好食又抵食.
最後一天早上去了築地虎杖食魚生飯, 大ト口, 海胆, 好正.
中午在大丸伊勢定食鰻重, 但要把握時間坐火車回機場, 比較緊張, 所以感覺普通. 以此結束東京, 群馬, 木更津美食, 溫泉之旅.
結語: 日本美食都是離不開刺身, 寿司, 天婦羅, 燒鳥, 牛肉, 拉面; 但是每次去到東京, 重覆到同一間舖, 均沒有感覺厭倦, 主因是食品都是維持在高水平, 價錢合理.
2016年11月
沒有留言:
張貼留言