日本還有很多地方未去, 石垣並不在我計劃中, 但有直航平機票, 不妨去玩下.
只有兩小時的機程, 早上十一時已到石垣機場, 出了機場, 上了機場四號巴士, 在博物館站停, 直達我們訂的WBF酒店; 這家酒店除了有煑食爐, 還有私家洗衣機.
酒店實在太新, 冷氣機和抽風都未完善, 如果做好咗, 是一間可推薦的酒店. 中午在ゆらてぃく食石垣牛汁 (清湯牛肉) 定食和牛肉八重山蕎麥面，都算不錯.
下一個節目是遊竹富島, 這個小島只有三件事可做, 一是潛水, 二是踏單車, 三是坐水牛車.
我們當然選擇水牛車, 連來回船票, 每人¥2200, 一隻十歲大的水牛拖差不多十個人的車, 半個小時繞了村落一圈, 最後牛伕更彈三絃琴, 唱日本民謠.
晚上又食石垣牛, 今次在金城食燒肉, 有牛西冷(￥2800)和牛肩, 還有豚腩肉, 用備長炭明火燒, 當然好食, 這亦是最多中國人幫櫬的石垣牛餐廳.
第二天早上在酒店門前的Paradise租車, 租半天, 連保險都是¥3780
(這是網上訂的價錢，現場訂差不多要¥7000).
第一站是去御神崎, 這個燈塔並不是很有名, 但作為去川平灣中途停留處, 睇下海景, 影下相, 都是值得.
離開御神崎, 開車半小時便到川平灣, 是日本百景之一, 主要是保育得很好, 坐玻璃船 (￥1030), 可以睇到不同的珊瑚, 海龜和珊瑚魚.
下一站是開車去鮨人食寿司, 它是全石垣島唯一的迴轉寿司, 亦是可食午餐的寿司店, 水準不錯, 可以推介.
食完寿司, 去MaxValu真栄超市和Daiso￥100店買下嘢, 四時半還車, 搭五時十五分渡輪去小濱島住一晚渡假村.
半小時航程已達頭, 渡假村已有專巴接我們, 這個小濱島渡假村以前是星野集團, 轉手後, 今年四月重開, 分為Nirakanai和Allamanda兩間酒店, Nirakanai房間設備都是很新的, 浴室的水壓更是超強, 好爽; 唯一缺點是室外裝修未完善, 有些失修感覺.
晚上在渡假村Iritida餐廳食自助餐, 每人￥4860, 是一個很西式的自助餐, 沒有刺身, 寿司.
第三天早上食完豐富早餐去打高爾夫.
這個球場是日本最南的球場, 設計不錯, 球道和果嶺保養得很好, 服務亦很到位,唯一缺點定它的球車道, 有很多損壞.
打完波, 還可以去渡假村的沙灘泳池游下水, 然後退房, 再乘酒店車去碼頭, 乘渡輪回石垣.
這晚住Vessel
Hotel, 以為離碼頭不遠, 原來拖着行李要走十五分鐘, 尤其是在下午時間, 感覺是很熱.
跟着去Vanilla
Deli食石垣牛, 牛油果漢堡和飲杯咖啡.
用餘下的兩個小時去石垣公設市場逛一逛, 再乘四號機場巴士去真栄Aeon
MaxValu購物.
回到石垣市, 再食石垣牛, 今次轉去有些少韓式的金牛燒肉, 除了石垣牛, 還有石垣蝦, 都好好食, 讚.
第四天早上在酒店食完早餐後, 回到離島碼頭, 乘直通巴士去機場, 結束石垣四天之旅.
結語: 石垣雖然沒有很有名的景點, 勝在寧靜, 機票又平, 離香港只有兩小時機程, 食下石垣牛, 打場波, 是三四天旅程的一個好選擇.
2017年6月
沒有留言:
張貼留言