河北 秦皇島, 山海關, 北京花博遊

去過北京無數次, 大部分都是公事, 跟訪問團, 完全不需任何計劃, 這個旅程終於可以自己話事.

山海關

乘港航早機, 十一時半已抵達北京, 乘機場綫, 不用半小時已到市區的三元橋, 住喺諾富特三元酒店, 這間酒店剛在地鐵站出口D, 非常方便.

在酒店旁邊的鳳凰滙食水餃後, 坐出租車去798 藝術區逛一逛.

然後去樹上咖啡館, 嘆番杯咖啡.

晚上在鳳凰滙小大董食烤鴨, 這是大董的平民版. 烤鴨保持了大董的水平, 值得推薦.

第二天 坐火車由北京站去秦皇島, 滿以為秦皇島站是很落後, 原來規劃得不錯, 出租車站亦管理得很有秩序, 讚.

Check in 香格里拉後, 開始旅遊, 第一個景點是秦皇求仙入海處, 相傳是秦始皇欲取長生不老藥的出海處, 景區不大, 可觀性亦不高, 怱怱睇下, 可以早啲食飯.

秦皇島是渤海的重要海港, 當然要食海鮮, 喺面對海灘的海天一色食, 選了大連鮑魚, 海胆, 生蠔, 還叫了一斤刀蟶, 這種蟶子比較少見, 好食.

第三天 去山海關景區, 亦即是老龍頭, 萬里長城的起點, 是秦皇島旅遊必去, 所以遊客眾多, 要找個地方影相都不易;

去完海神廟後, 叫車去山海關城景區; 景區不大, 半小時已足夠, 去埋鐘鼓樓都唔使一小時, 可以回酒店, 這晚轉去北戴河喜來登住.

晚上又食海鮮, 根據大眾點評評語, 去從前慢戴河食蒸海鮮, 一進店已知不妙, 只有一枱人, 海鮮亦很少, 即走, 去了人多的品海, 選擇正確, 可以推介.

第四天 早上是高爾夫球時間, 去松石高爾夫球場, 這個球場好有歷史, 1936年已有十八洞, 後因戰亂, 荒廢了七十五年, 2012年重新設計, 球場有難度, 果嶺極佳, 又唔貴, 有機會再來, 都會打.

下午坐火車回北京站, 正值放工時間, 等出租車有一定困難, 決定坐地鐵, 個個人都係咁做, 人好多, 只有人手售票, 先排隊買票, 再排隊過安檢, 辛辛苦苦才上了車, 總算鬆一口氣; 拿着行李. 去北京人氣烤鴨店四季民福, 有超多人在等位.

等了一個半小時, 終於有得食, 烤鴨當然好, 芥末鴨掌不錯, 服務亦好; 老實說, 如果它們唔開通網上取號, 不值等兩個小時.

第五天 去北京世界園藝博覽會, 如果要坐它們的交通大巴, 最少要兩個半小時, 搵架快車, 三百元左右, 一個半小時已到延慶區,

 園區非常大, 先用十元坐環保車去國際館.

然後去中國館.

最後喺麥記食個包, 再叫快車回北京, 晚上在丁卯涮肉食京菜有名的涮羊肉, 現在好難揾這種傳統銅㷛, 大大為碟的羊肉和牛肉都是四十八元, 抵食.

第六天 去恭王府參觀,

中午在八旗烤肉食燒肉, 一間小舖, 又是等, 等了差不多一個小時才有得食;

食完, 回酒店, 還有時間, 在鳳凰匯的Fish Eye飲杯手冲咖啡, 只賣十八元, 可以推薦.; 跟着召車去機場, 以此結束北京, 秦皇島之旅.

結語 : 秦皇島, 北戴河天氣和環境非常好, 坐車, 食嘢都比較平, 但景點不多, 作為渡假休息是理想地方.

2019年6月.

湖北 武漢, 黄鶴樓, 三峽大壩遊

九六年遊長江三峽, 由重慶出發, 經宜昌, 在武漢離船, 踏足武漢只有十多小時, 基本上只是路過, 相隔二十多年, 再來湖北, 重點是睇世紀工程, 三峽大壩.

原本計劃坐高鐵去, 來回要差不多千四, 車程最快四個半鐘, 坐飛機, 港幣千五, 飛行唔使兩小時, 決定坐港龍早機去, 十一時已到武漢天河機場, 

十二時到達泛海喜來登.

第一件事當然是食晏, 王氏華華牛肉面, 大大碗牛筋面二十元, 算是不錯.

食完嘢, 要去買兩江夜遊和知音號門票, 有了票才可微調行程; 下一站是古德寺, 這佛寺跟傳統的中式佛廟不同, 建築有啲緬甸和印度色彩.

然後去著名的步行街楚河漢街行吓.

晚上去粵漢碼頭，坐7:45分兩江夜遊船, 適逢武漢舉行世界軍人運動會, 兩岸燈光表演非常壯觀, 激讚.

遊完船河, 去夏氏砂鍋食晚飯, 主打煲仔菜, 土雞砂鍋六十九元, 整整一隻雞, 兩個人好難食得晒, 以此結束第一天.

第二天 早上是旅遊, 中國三大名樓之一黃鶴樓, 黃鶴樓歷史悠久, 但這間樓是根據原狀重建的加大版, 要走完九層樓都費力.

下一站是武漢長江大橋,

然後去名小食街, 戶部巷, 食湯包, 比較特別是番茄湯包, 一客八只, 二十五元, 加埋三十元脆皮五花肉, 便攪掂午餐.

跟着叫車去酒店, 取回行李. 再去漢口站, 坐高鐵去宜昌東站, 

這晚住一間好新的智選假日酒店, 因為離市區比較遠, 連早餐兩百六港幣, 非常超值, 值得推薦.

晚上去宜昌海底撈食火鍋, 始終是名牌, 水準保持; 老實說, 二三綫城市的海底撈服務比一綫城市好.

第三天 三百元包車去三峽大壩景區, 景區是免費, 但要買三十五元環保車, 既然遠道而來, 去埋屈原故里, 一百元; 第一站是壇子嶺, 有電梯直上山上, 睇到大型船閘.

下山後, 用十元坐電瓶車到185觀景台, 185是指大壩的高度是185米, 蓄水之後, 變了一個大湖.

下一站是截流纪念園, 可以正面看大壩.

再乘車經副壩, 這是唯一公開可以在三峽大壩行車的壩頂;

再去屈原故里, 睇水庫, 屈原祠;

然後乘車回換乘中心, 叫司機送我們去睇葛州壩船閘, 當年長江三峽遊, 還未有三峽大壩, 我們是乘船經過此閘, 懷舊.

這天晚上在宜昌福厨食剁椒魚頭, 牛蛙(田雞), 粉絲雞湯, 原來湖北的剁椒不是很辣, 可以接受.

第四天 早上坐火車回武漢, 中午在方掌柜食泉水武昌魚, 魚的小骨比較多, 要小心食, 來到武漢, 一定要試下.

晚上去睇武漢獨有的漂移體驗劇, 知音號, 主要是描述l二三十年代, 發生在郵輪上的故事, 觀眾可登上船艙體驗下當時舞池和酒巴的情況, 更可在不同的房間看演員演譯不同故事,

最後是上甲板睇武漢長江夜景,  好靚.

睇完知音號, 去食潮汕牛肉火鍋, 這店在汕頭很有名, 廣州, 深圳亦做得不錯, 以為武漢應該唔會太差, 結果大失所望, 服務員懶懶閒, 準備收工, 其實加盟店做得差, 影響深遠, 品牌好容易消失.

第五天 早上去金銀湖打高爾夫, 球場狀態很好, 五百元包球車球僮, 值得推薦.

中午去漢街羲和雅苑食北京烤鴨, 二百二十八烤鴨一只, 熱辣辣, 水準跟北京差唔多, 讚.

食完鴨, 雨沒有停過, 江漢步行街不去了, 轉去湖北博物館, 可以消磨一兩個小時; 

然後回酒店, 在漫咖啡飲杯咖啡, 食窩夫; 再召的士去機場, 坐港龍夜機回港.

結語: 武漢是知名的火爐, 所以夏天唔會去, 十月中應該是最佳時間; 繼滕王閣, 岳陽樓後, 中國三大名樓都已參觀過; 中國三十四個省，直轄市，只剩寧夏，青海，新彊，西藏未去，目標是2021年完成。

2019年10月.