內蒙, 響沙灣遊

內蒙古自治區是中國面積第三大的省, 去旅游只能選擇三幾個景點, 呼倫貝爾草原在北邊, 坐飛機由呼和浩特去要兩個小時, 決定不值得去; 只去呼和浩特, 包頭和嚮沙灣. 

由於冇直航去內蒙, 選擇停重慶兩天. 

已有十九年未有到重慶, 變化很大, 今天已有多條地鐵, 朝天門當時的規劃是沒有來福士廣場和它的八棟高樓, 現在已成重慶新地標.

2005重慶市規劃館模型

 2024 攝於長江索道

乘國航到重慶江北機場, 抵達朝天門Voco酒店已是傍晚, 在來福士廣場的珮姐食重慶火鍋. 叫了鴛鴦鍋, 野菌加小辣, 最好食是嫩牛肉, 豬肝和鴨胗. 

食完火鍋, 還有時間去參觀水晶連廊. 

第二天 是重慶觀光, 第一站是洪崖洞, 這個景點早上和晚上是天淵之別, 早上完全無人, 傍晚開燈便人山人海.

 跟着去解放碑, 然後去長江索道; 

坐地鐵返來福士廣場的李子垻梁山雞食重慶雞煲, 不過不失. 

下午繼續旅游, 去睇重慶的地鐵地標, 李子壩站, 因為地型和地基關係, 重慶地鐵軌道要倚山而建, 還要穿過一棟民居.

晚上在楊記隆府食傳統川菜, 食招牌白魚, 唔算好辣, 茶熏鴨, 普通, 有點過火.

第三天 原計劃乘飛機去鄂爾多斯, 轉去響沙灣, 去到機場才知航班取消, 當時有點不知所措, 無耐下轉了下一天飛去包頭的機, 即時還要安排取消已定的響沙灣和包頭酒店, 又再定響沙灣, 因為航空公司提供的酒店太差, 再要自己定多一晚重慶酒店, 是機場酒店希爾頓惠庭, ￥500包早餐和機場Shuttle, 慶幸所有工作都順利.

無端端浪費了半天, 上了寶貴的一課, 晚上又回朝天門食飯, 唔食川菜, 食小大董烤鴨; 除了半隻烤鴨(￥119), 櫻桃鵝肝是這間舖必點, 點讚後還送兩個鹵水鴨頭.

第四天 早上戰戰兢兢去機場, 坐機去包頭, 順利到達東河機場, 用滴滴約車去響沙灣, 師傅帥哥都幾好, 約定他回來接我們去包頭和送我們去呼和浩特.

下午一時半抵達響沙灣旅游服務中心, Check in 蓮花酒店, 因為要坐索道才可到對岸酒店, 冇時間食午餐, 而所有行李要托運直去房間.

入到酒店房, 匆匆食碗杯面和乾糧, 要趕時間去仙沙島, 響沙灣的島其實係一個沙區, 它們所指的遊艇亦只遊艇車, 第一個項目, 去騎駱駝.

跟着是睇表演, 果老傳說, 麻麻哋; 然後坐全地型車; 最後單車騎行,好攰.

因為沒有食午餐, 六點便食飯, 有火鍋, 無限供應羊肉, 牛肉, 燒全羊, 牛大骨, 好豐富, 服務員八點半已通知煙花晚會八時四十分開始, 當然不容錯過,

第五天 早上食完早餐, 要將行李放在前台以便運到服務中心, 然後坐火車去悅沙島, 是一個水上樂園.

除了打卡, 唯一可以去是沙漠博物館.

係時候去食午餐, 雖然餐廳是一樣, 自助餐的食物, 早, 午, 晚不同, 讚. 響沙灣最後一個項目是再去悅沙睇表演, 鄂爾多斯婚禮, 都算精彩. 

跟着離開響沙灣, 回到包頭, 入住茂業万豪酒店.

一波剛停, 一波又起, 收到電郵通知, 話我們訂的由成都回香港機取消, 有了經驗, 即時改了經停昆明的航班, 比原來的機早一個小時, 可以避開八號風球.

其實包頭市好靜, 經濟發展慢, 連地鐵都未開通.

來到內蒙, 羊肉是必食, 這晚在牧上都烤羊店食烤羊腿, ￥220食一隻三斤羊腿, 非常便宜, 又非常嫩, 好食.

第六天 旅游, 先去五當召, 這是藏傳佛教的喇嘛廟, 規模僅次於布達拉宮, 當天有法事, 不能入廟參觀, 只能在外圍拍照.

下一站是呼和浩特途中的一個景點, 美岱召, 這藏傳佛教寺廟的獨特處是有一個博物館和寺廟的城樓.

然後離開包頭, 直去呼和浩特, 住皇冠假日酒店. 這天晚上睇表演, 要早點食飯, 去塞上老街的天驕功勛食冰煮羊, 兩份羊, 一份牛, 連埋牛百頁, 冰煮羊只賣￥155, 平到極; 但冰煮羊冇銀川咁好食. 

食完飯, 順便行下塞上老街.

晚上去睇千古馬頌, 大型馬術表演, 百多隻馬參與, 值得去睇.

第七天 是呼和浩特旅游, 第一站大召, 另一個喇嘛廟, 亦是呼和浩特必去的景點.

下一站是呼和浩特博物館. 

雨又開始, 坐地鐵去萬達中心, 趕得及去西貝莜面村食晏, 原來西貝的總店是在呼和浩特, 牛大骨, 番茄莜面魚魚都比廣州的店好食.

晚上去斡魯朵食蒙古料理, 有現場Live Band, 食手把羊(￥138), 羊肉串(￥15).

 

第八天 乘東航經昆明回港, 抵港後發覺行李寄失了, 取了報告, 回家, 下一天才由航空公司送回行李, 以此結束這個多難的內蒙之旅.

結語:

1. 航班取消, 要處變不驚, 一定有解決方案, 改機票系統好方便;

2. 響沙灣雖然有點貴, 都值得去, 內蒙的食物超平,  唔食羊的人唔使去;

3. 去完內蒙, 下次去新疆.

2024年8月