泰國 布吉遊

相隔差不多二十年後再來布吉, 記得上一次來是開會, 只能來去匆匆, 未能有時間睇下布吉, 今次重來, 可以去占士邦島.

乘港龍早機, 十一時半已抵布吉新機場, 行李運送效率奇高, 值得一讚.

雖然我們已帶有WiFi蛋, 話音通訊仍重要, 所以第一件事是去買電話咭, 二百泰銖三天, 服務員會協助你上台, 亦很周到, 對布吉有個好開始.

步出機場, 我們定的Tinidee Resort已有司機在等, 要差不多要四十分鐘才抵達酒店.

我買的Package是打兩場波和住一天包早餐客房, 因為要在下午開球, 沒有選擇下, 在球場餐廳食, 椰子雞湯, 炒河, 第一餐泰國菜, 都算不錯.

第一場波在Loch Palm打, 打完兩洞, 已下大雨, 唯有在小食亭等, 等了差不多半小時才繼續, 睇時間和天氣, 應該很難在日落前完成十八洞,  最終可以完成十七洞, 非常滿意.

晚上原來預算去布吉市食, 用酒店車, 車費來回要千二銖, 很貴, 雨更越來越大, 覺得路程有些危險, 決定再在球會食, 這餐只化九百二十銖, 仲平過車費.

第二天早上在泰國有名的Red Mountain再打十八洞, 這球場很有特色, 值得推薦, 但要六千銖果嶺費, 加七百球車, 四百球僮, 有點貴.

中午退房後, Tinidee專車送我們到Hyatt Regency, 由於房間還被準備好, 只有在西餐廳食碗湯河和炒貴刁, 有時間可以下載酒店職員介紹的Grabtaxi App, 隻App好似大陸的滴滴打車, 有了此, 便不用坐酒店的巴東Shuttle.

下一件事是在旅遊中心定占士邦島一天遊, 每人三千五銖, 算是高檔團, 再召Grabtaxi 去巴東Junceylon購物中心, 車費二百, 加App費用五十, 都好化算. 其實Junceylon冇乜嘢可以買, 可以做的是去找換店換錢, 匯率比較香港高, 但相差不大.

下一步是找間咖啡店飲咖啡, 商場內的咖啡店都是大牌子, 冇甚興趣, 選擇在大街的小店Veranda Café, 夠寧靜, 六十銖一杯, 不錯.

晚上六時去巴東名店Number6食泰菜, 這店很少, 基本上是大牌檔格局, 但人氣很旺, 經常要排隊, 主要原因是食物不錯, 價錢平, 所以很多大陸及港人幫襯.

第三天食完早餐, 旅行社已有人接我們去Royal Phuket Marina, 開始一天Speedboat遊.

第一站是Khai Nai Island, 可以做些水上活動, 因為太多人, 休息一下便繼續坐大飛去下一個項目, 開始下雨, 風浪亦較急, 在海上拋了半個鐘後, 水域突變了很平靜, 原來已到坐獨木舟的Hong Island, 兩人一艇, 艇伕儘力用他有限的英語介紹景點, 給他一百銖小費.

下一站是去Panyi Island食午餐, 估唔到這豪華團的團餐都是很差的, 基本上所有團都在這裏食, 唯一分別, 大陸團的是套飯, 我們的是自助, 怱怱食過飯, 又再上船, 去這天的重點, 占士邦島.

遊完占士邦島, 船長送我們去另一個島, 有沙灘可以暢泳, 亦可飲啤酒, 之後再直接駛回碼頭, 送我們回酒店.

洗澡, 休息一下, 叫Grabtaxi, 送我們去巴東Savoey食餐豐富的海鮮泰菜, 牛油燒虎蝦, 粉絲蟹煲, 燒生蠔, 露笋, 芒果糯米飯, 三千銖埋單.

第五天食完早餐, 在無敵海景泳池游泳後, 再去Junceylon Big C買啲金柚, 牛丸等, 然後在商場內的Le Siam食沙茶, 椰子雞湯.

下午三時半, 叫約好的司機送我們回酒店, 直去機場, 車費只是七百銖, 比酒店的千二銖平得多, 以此結束布吉之旅.

結語: 有機會去泰國, 建議用GrabTaxi去召的士, 很方便.

2016年10月