越南 河内, 下龍灣遊

去過胡志明市和峴港, 今次去越北的河内和下龍灣.

中午十二時到達內排國際機場, 過了海關, 第一件事是買張電話卡, 二十五萬盾, 約港幣八十五元, 有通話和數據, 好方便, 平過用sim卡.                                                                                          

乘酒店車, 直去河內酒店, Check In後, 用GrabTaxi叫車去Quan An Ngon食嘢, 這間Food Court型式的餐廳可以試勻所有越南菜, 乜都有, 但食物水準只算不過不失.

食完牛肉河粉, 開始旅遊, 第一站是河內希爾頓, 這並不是酒店, 是火爐監獄博物館, 原身是監獄, 法國人在殖民統冶越南時建, 越戰時是用來監禁美軍俘虜, 所以有此別名.

下一站是河內熱門景點, 大教堂, 人到我到, 打過卡, 到此一遊便算; 

晚上再召車去Green Tangerines食法國餐, 鵝肝前菜, 羊架, 大蝦, 連啤酒, 每人一百萬盾, 即港幣三百幾, 算抵食; 以此結束第一天行程.

第二天早上是高爾夫球時間, 去離市區一個小時車程的King’s Island, 這個球場是建於一個湖邊, 開車只能到湖的對岸, 要乘高速船過去, 球場保養得不錯, 果嶺, 球車, 球僮收費港幣七百五, 合理, 可以推薦.

打完波, 回酒店附近的Emm’s食午餐, 大大件三文魚扒二十五萬盾, 唔使九十元; 

食完嘢, 由酒店包車送我們到下龍灣, 兩個多小時便到Vinpearl Hotel. 這酒店是建於一個人工島, 要坐小型船來回, 房價包早餐只要八百港幣, 值得推薦.

 

因為接駁船每二十分鐘才有一班, 要出外食飯並不方便, 所以第一天選擇在酒店食自助餐, 七十萬盾一個人, 主要是燒海鮮, 有燒蝦, 燒蠔; 最终食咗十幾隻蠔, 肯定值回票價.

第三天是這旅程重點, 下龍灣, 因為是自由行, 可以選擇當地旅行團, 半天遊包午餐每人一百二十萬盾, 我們既然有自己包車, 不用跟團, 可以直去屯洲碼頭 (Tuanchau Marina), 接觸遊船的中介.

中介推銷兩百萬盾包船, 我們不上當, 要求拚團, 最終五十萬成交, 連入場費, 每人五十四萬, 可以接受.

十時開船, 第一站是天宮洞, 有一個小時去睇岩洞, 由天宮洞入口, 木頭洞出來, 與大陸的岩洞相比, 只能說沒甚驚喜.

下一站是狗仔石和鬥雞石.

睇完下龍灣, 回酒店休息, 晚上去1958餐廳食海鮮, 蒸硯, 芝士焗蠔, 燒鯧魚, 埋單百四萬, 即四百八十元, 都算合理.

第四天早上又是高爾夫時間, 去FLC下龍灣球場, 這球場以下龍灣為背景, 可以打個卡; 球場很新, 又正在興建酒店和別墅, 所以有時球車要繞經地盤, 整體而言, 是一個值得去的場.

打完波, 坐包車回河內, 剛巧是下班時間, 交通嚴重擠塞, 三個多小時才到河內洲際72酒店; 晚上去Madame Hien食高檔越南菜.

第五天 原計劃去陸龍灣, 因為路程太遠, 決定取消, 所以這天比較輕鬆, 先在洲際酒店食個早餐, 再叫車去Big C做下購物, 買啲水果; 然後Check In河內酒店.

中午打算去河內牛肉河粉名店Pho Gia Truyen Bat Dan食, 網上早已流傳它的巴閉處, 時時刻刻都要排隊, 早上十一時已賣完早上的牛肉, 果然沒有錯, 冇得食, 只有在路口隨便食碗粉, 其實都好食.

跟着去買昇龍水木偶劇場門票, 然後去同春市場, 以為與胡志明市的Cho Ben Thanh市場差不多, 有熟食和街市, 原來是個批發中心, 街市只在旁邊橫街, 終於在街邊買了一公斤札肉, 十五萬盾.

下一件事是去行下還劍湖, 一個河內市民的休閒中心, 剛巧當晚是越南隊對馬來西亞足球隊的杯賽決賽, 湖邊已建大型舞台作為足球直播, 所以人非常多.

六時半去睇河內獨有的水木偶表演, 主要是用木偶戲展示越南人的農村生活, 收費只港幣五十元, 是一個河內旅遊必到的景點.

晚上食豪啲, 去由米芝蓮二星主廚主理的Press Club食法國菜, 前菜食Oyster Cake, Chestnut Soup, 主菜有Scallop和Foie Gras Tenderloin.

         

最後一天決定再去Pho Gia Truyen Bat Dan, 這次食早餐, 果然名不虛傳, 九時已要排隊, 因為只有兩種選擇, 生牛肉粉(Pho Tai) 和生熟牛肉粉(Pho Tai Nam), 所以流通得很快, 熟牛肉幾好食, 湯頭不錯, 可以推介.

跟着是去完成河內餘下的旅遊景點, 包括昇龍皇城遺跡, 

總統府, 巴亭廣場, 一柱寺.

中午在巴亭廣場旁邊的Trung Nguyen Legend,飲杯滴漏咖啡和食越式燉牛肉加法包, 發現冰越南咖啡才好飲, 因為冰塊會冲淡了煉奶, 不致太甜.

胡志明博物館和故居都要下午二時才重開, 食完午餐, 剛好.

最後一擊, 食法包, 召車去Banh Mi 25, 雞肉法包加埋河內啤酒, 四萬盾, 港幣十四元, 超抵食, 讚; 以此結束河內, 下龍灣之旅.

結語: 河內的外國遊客比我想像為多, 韓國人都多, 大陸客則較少; 下龍灣, 世界自然遺產, 值得去,  Vinpearl酒店好特別, 價錢合理, 可以住下, 如果是高爾夫迷, 值得去下FLC球場; 喺越南, 包括河內, 用Grabtaxi App叫車, 好方便, 車費早已確定, 唔驚坐的士受騙.

2018年12月